ShQO-da Adamnyń úilesimdi damýy ulttyq institýtynyń filialy ashyldy
Amanzholov University rektory Muhtar Tólegen men Adamnyń úilesimdi damýy ulttyq institýtynyń birinshi vitse-prezidenti Isa Samsaev ózara is-qimyldy jaqsartý jáne óskeleń urpaqtyń adamgershilik-rýhani tárbiesin damytý maqsatynda yntymaqtastyq týraly memorandýmǵa qol qoidy. Negizin Sara Nazarbaeva qalaǵan "Bóbek" ulttyq ǵylymi-praktikalyq, bilim berý jáne saýyqtyrý ortalyǵynyń qoldaýymen Ýniversitet bazasynda Adamnyń úilesimdi damýy ulttyq institýtynyń oblystyq filialy ashyldy.
– Jaqyndaryna degen súiispenshilik, ózara syilastyq, bir – birine kómek – "Ózin-ózi taný" páni úiretetin mańyzdy qundylyqtar. Óńirlerde institýttyń filialdaryn ashý óte mańyzdy. Adamnyń úilesimdi damýynyń ulttyq institýty bizdiń ýniversitetti qoldaǵanyna rizamyz. Munda jalpy bilim beretin mektepterdiń, gimnaziialardyń, litseilerdiń, kolledjderdiń, ýniversitetterdiń muǵalimderi oqyp, biliktiligin arttyratyn bolady, – dedi Amanzholov University rektory Muhtar Tólegen.
Yntymaqtastyq sharty ǵylymi-zertteý jáne oqý materialdarymen almasýdy, ǵylymi zertteýlerdi uiymdastyrýdy jáne olardyń nátijelerin bilim berý uiymdarynyń qyzmetine engizýdi, birlesken jobalardy iske asyrýdy qamtidy.
– Búgin mańyzdy oqiǵa, árine, Shyǵys Qazaqstanda Adamnyń úilesimdi damýy ulttyq institýtynyń filialynyń ashylýy boldy. Biz úshin eń bastysy - Sara Nazarbaeva avtory bolyp tabylatyn "Ózin-ózi taný" páni boiynsha adamgershilik-rýhani bilim berý baǵdarlamasyn keńinen taratý, nasihattaý bolyp tabylady. Osy filialdar arqyly biz elimizdiń barlyq bilim berý mekemelerinde tárbie jumysynyń joǵary deńgeiine qol jetkizemiz, – dep atap ótti Adamnyń úilesimdi damýy ulttyq institýtynyń birinshi vitse-prezidenti Isa Samsaev.
Aita ketý kerek, bul elimizdiń pedagogikalyq joǵary oqý oryndary janynan ashylǵan Adamnyń úilesimdi damýy ulttyq institýtynyń on úshinshi filialy. Shyǵys Qazaqstan oblysynyń pedagogtary "Ózin-ózi taný" páni boiynsha biliktilikti arttyrý kýrstarynan ótip, konferentsiialarǵa, seminarlarǵa jáne konkýrstarǵa qatysa alady.
Sondai-aq, adamnyń úilesimdi damýy ulttyq institýtynyń birinshi vitse-prezidenti Isa Samsaev Amanzholov University kitaphanasyna "Ózin-ózi taný" adamgershilik-rýhani bilim berý baǵdarlamasynyń avtory Sara Nazarbaevanyń qoltańbasy qoiylǵan kitaptaryn syiǵa tartty.
Sapar barysynda Isa Samsaev ýniversitet bazasynda qurylǵan "Dana bala" úzdiksiz jáne inkliýzivti bilim berý áleýmettik ortalyǵynyń jumysymen tanysty. Bul múmkindigi shekteýli balalarǵa arnalǵan biregei ortalyq. Óitkeni búgingi kúni respýblika boiynsha erekshe bilim alýǵa qajettiligi bar 160 myń bala bar, olardyń 10 paiyzy Shyǵys Qazaqstan oblysynda ornalasqan.
Ortalyqta tsifrlyq, jaratylystaný-ǵylymi, tehnikalyq jáne gýmanitarlyq beiindegi kóp deńgeili qosymsha bilim berý baǵdarlamalary qamtylǵan. "ЅTEAM" jáne "Daryndy balalar" zerthanalary, apparattyq psihodiagnostika jáne psihokorrektsiia, sensorlyq integratsiia jáne túzetý, sondai-aq logopedtik kabinet jumys isteitin bolady. Qonaqtarǵa Alfred Tomatis ádisi boiynsha aýdio-estý jattyǵýlary boiynsha sabaqtar jáne ýniversitettiń joǵary kýrs stýdentterimen jáne kishkentai kelýshilermen birge arnaiy zerthanada sensorlyq integratsiia elementteri kórsetildi. Sonymen qatar, Adamnyń úilesimdi damý institýtynyń ókilderi elektroentsefalografiia, poligraf, "MasterGraf" grafikalyq redaktory, "Delfa", "Jailaý" kompiýterlik sóileý trenajerleri jáne interaktivti logopedtik ústel siiaqty san alýan terapiia túrleri qoldanylatyn ortalyqtyń jabdyqtalýyn joǵary baǵalady.
