Amanzholov University رەكتورى مۇحتار تولەگەن مەن ادامنىڭ ۇيلەسىمدى دامۋى ۇلتتىق ينستيتۋتىنىڭ ءبىرىنشى ۆيسە-پرەزيدەنتى يسا سامسايەۆ ءوزارا ءىس-قيمىلدى جاقسارتۋ جانە وسكەلەڭ ۇرپاقتىڭ ادامگەرشىلىك-رۋحاني تاربيەسىن دامىتۋ ماقساتىندا ىنتىماقتاستىق تۋرالى مەموراندۋمعا قول قويدى. نەگىزىن سارا نازاربايەۆا قالاعان "بوبەك" ۇلتتىق عىلىمي-پراكتيكالىق، ءبىلىم بەرۋ جانە ساۋىقتىرۋ ورتالىعىنىڭ قولداۋىمەن ۋنيۆەرسيتەت بازاسىندا ادامنىڭ ۇيلەسىمدى دامۋى ۇلتتىق ينستيتۋتىنىڭ وبلىستىق فيليالى اشىلدى.
– جاقىندارىنا دەگەن سۇيىسپەنشىلىك، ءوزارا سىيلاستىق، ءبىر – بىرىنە كومەك – "ءوزىن-وزى تانۋ" ءپانى ۇيرەتەتىن ماڭىزدى قۇندىلىقتار. وڭىرلەردە ينستيتۋتتىڭ فيليالدارىن اشۋ وتە ماڭىزدى. ادامنىڭ ۇيلەسىمدى دامۋىنىڭ ۇلتتىق ينستيتۋتى ءبىزدىڭ ۋنيۆەرسيتەتتى قولداعانىنا ريزامىز. مۇندا جالپى ءبىلىم بەرەتىن مەكتەپتەردىڭ، گيمنازيالاردىڭ، ليسەيلەردىڭ، كوللەدجدەردىڭ، ۋنيۆەرسيتەتتەردىڭ مۇعالىمدەرى وقىپ، بىلىكتىلىگىن ارتتىراتىن بولادى، – دەدى Amanzholov University رەكتورى مۇحتار تولەگەن.
ىنتىماقتاستىق شارتى عىلىمي-زەرتتەۋ جانە وقۋ ماتەريالدارىمەن الماسۋدى، عىلىمي زەرتتەۋلەردى ۇيىمداستىرۋدى جانە ولاردىڭ ناتيجەلەرىن ءبىلىم بەرۋ ۇيىمدارىنىڭ قىزمەتىنە ەنگىزۋدى، بىرلەسكەن جوبالاردى ىسكە اسىرۋدى قامتيدى.
– بۇگىن ماڭىزدى وقيعا، ارينە، شىعىس قازاقستاندا ادامنىڭ ۇيلەسىمدى دامۋى ۇلتتىق ينستيتۋتىنىڭ فيليالىنىڭ اشىلۋى بولدى. ءبىز ءۇشىن ەڭ باستىسى - سارا نازاربايەۆا اۆتورى بولىپ تابىلاتىن "ءوزىن-وزى تانۋ" ءپانى بويىنشا ادامگەرشىلىك-رۋحاني ءبىلىم بەرۋ باعدارلاماسىن كەڭىنەن تاراتۋ، ناسيحاتتاۋ بولىپ تابىلادى. وسى فيليالدار ارقىلى ءبىز ەلىمىزدىڭ بارلىق ءبىلىم بەرۋ مەكەمەلەرىندە تاربيە جۇمىسىنىڭ جوعارى دەڭگەيىنە قول جەتكىزەمىز، – دەپ اتاپ ءوتتى ادامنىڭ ۇيلەسىمدى دامۋى ۇلتتىق ينستيتۋتىنىڭ ءبىرىنشى ۆيسە-پرەزيدەنتى يسا سامسايەۆ.
ايتا كەتۋ كەرەك، بۇل ەلىمىزدىڭ پەداگوگيكالىق جوعارى وقۋ ورىندارى جانىنان اشىلعان ادامنىڭ ۇيلەسىمدى دامۋى ۇلتتىق ينستيتۋتىنىڭ ون ءۇشىنشى فيليالى. شىعىس قازاقستان وبلىسىنىڭ پەداگوگتارى "ءوزىن-وزى تانۋ" ءپانى بويىنشا بىلىكتىلىكتى ارتتىرۋ كۋرستارىنان ءوتىپ، كونفەرەنسيالارعا، سەمينارلارعا جانە كونكۋرستارعا قاتىسا الادى.
سونداي-اق، ادامنىڭ ۇيلەسىمدى دامۋى ۇلتتىق ينستيتۋتىنىڭ ءبىرىنشى ۆيسە-پرەزيدەنتى يسا سامسايەۆ Amanzholov University كىتاپحاناسىنا "ءوزىن-وزى تانۋ" ادامگەرشىلىك-رۋحاني ءبىلىم بەرۋ باعدارلاماسىنىڭ اۆتورى سارا نازاربايەۆانىڭ قولتاڭباسى قويىلعان كىتاپتارىن سىيعا تارتتى.
ساپار بارىسىندا يسا سامسايەۆ ۋنيۆەرسيتەت بازاسىندا قۇرىلعان "Dana bala" ۇزدىكسىز جانە ينكليۋزيۆتى ءبىلىم بەرۋ الەۋمەتتىك ورتالىعىنىڭ جۇمىسىمەن تانىستى. بۇل مۇمكىندىگى شەكتەۋلى بالالارعا ارنالعان بىرەگەي ورتالىق. ويتكەنى بۇگىنگى كۇنى رەسپۋبليكا بويىنشا ەرەكشە ءبىلىم الۋعا قاجەتتىلىگى بار 160 مىڭ بالا بار، ولاردىڭ 10 پايىزى شىعىس قازاقستان وبلىسىندا ورنالاسقان.
ورتالىقتا سيفرلىق، جاراتىلىستانۋ-عىلىمي، تەحنيكالىق جانە گۋمانيتارلىق بەيىندەگى كوپ دەڭگەيلى قوسىمشا ءبىلىم بەرۋ باعدارلامالارى قامتىلعان. "Ѕتەام" جانە "دارىندى بالالار" زەرتحانالارى، اپپاراتتىق پسيحودياگنوستيكا جانە پسيحوكوررەكسيا، سەنسورلىق ينتەگراسيا جانە تۇزەتۋ، سونداي-اق لوگوپەدتىك كابينەت جۇمىس ىستەيتىن بولادى. قوناقتارعا الفرەد توماتيس ءادىسى بويىنشا اۋديو-ەستۋ جاتتىعۋلارى بويىنشا ساباقتار جانە ۋنيۆەرسيتەتتىڭ جوعارى كۋرس ستۋدەنتتەرىمەن جانە كىشكەنتاي كەلۋشىلەرمەن بىرگە ارنايى زەرتحانادا سەنسورلىق ينتەگراسيا ەلەمەنتتەرى كورسەتىلدى. سونىمەن قاتار، ادامنىڭ ۇيلەسىمدى دامۋ ينستيتۋتىنىڭ وكىلدەرى ەلەكتروەنسەفالوگرافيا، پوليگراف، "ماستەرگراف" گرافيكالىق رەداكتورى، "دەلفا"، "جايلاۋ" كومپيۋتەرلىك سويلەۋ ترەناجەرلەرى جانە ينتەراكتيۆتى لوگوپەدتىك ۇستەل سياقتى سان الۋان تەراپيا تۇرلەرى قولدانىلاتىن ورتالىقتىڭ جابدىقتالۋىن جوعارى باعالادى.
