Bıyl jazda SHQO-da oqýshylardyń 99,9%-y jazǵy demalyspen jáne paıdaly istermen qamtylady. Ásirese, kópbalaly jáne az qamtylǵan otbasylardyń balalaryna erekshe kóńil bólinedi — bul sanattaǵy oqýshylar 100% qamtylady. Bul týraly SHQO Bilim basqarmasynyń basshysy Inessa Chernysheva Óńirlik komýnıkasıalar qyzmeti alańynda málimdedi, dep habarlaıdy Dalanews.kz
Balalardy jazǵy demalyspen, saýyqtyrýmen jáne jumyspen qamtý úshin qala jáne aýdan búdjetinen 634,5 mıllıon teńge bólindi. Bul qarajat joldamalar satyp alýǵa, lagerlerdiń materıaldyq-tehnıkalyq bazasyn jóndeýge jáne nyǵaıtýǵa jumsalady.
Jazda ashylatyn alańdar:
• 12 syrtqy lager (8 memlekettik, 4 jekemenshik jáne 1 jyl boıy jumys isteıtin lager) – 10 087 oqýshyny qabyldaıdy;
• 270 mektep janyndaǵy lager (tamaqpen) – 23 120 balany qamtıdy;
• 204 beıindi alań, úıirmeler men seksıalar – 60 357 oqýshyny qamtıdy.
Dástúrli demalys túrlerimen qatar, biregeı jobalar da júzege asyrylady:
• Samar aýdanyndaǵy «Balaýsa» lageriniń bazasyndaǵy áskerı-sporttyq lager 100 jasóspirimdi qabyldaıdy (ótken jylmen salystyrǵanda eki ese kóp);
• «Qonaqjaı otbasy» jobasy aıasynda 140 bala qazaq tilin úırenip, qazaq halqynyń mádenıeti men turmysymen tanysa alady;
• «Kıeli Shyǵys» atty jańa baǵdarlama aıasynda 200 oqýshy tarıhı jáne tabıǵı eskertkishterge oqý-tanymdyq týrlarǵa qatysady;
• 140 jetim bala men balalar úıiniń tárbıelenýshileri úshin Buqtyrma sý qoımasyna ózen ekskýrsıalary uıymdastyrylady.
Kásiptik baǵdar berý men daǵdylardy damytý da nazarda. Oblystaǵy 10 kolejde 500 oqýshyǵa arnalǵan jazǵy lagerler ashylady. Olar robototehnıka, aspazdyq, lazerlik kesý sıaqty baǵyttarmen tanysady. Sonymen qatar, áleýmettik osal sanattaǵy 150 kolej stýdenti Úlken Naryn aýdanyndaǵy Buqtyrma jaǵasynda demalady.
Balalardyń qaýipsizdigi — basty nazarda. Oblysta arnaıy Vedomstvoaralyq shtab quryldy, sý aıdyndarynda vodolazdyq tekserýler júrgizilýde. Lagerler sanıtarlyq qorytyndy alady, al jaǵdaıdy monıtorıńtik toptar qadaǵalaıdy.
Shyǵys Qazaqstandaǵy bul jaz tek jyly ǵana emes, balalar men jasóspirimder úshin paıdaly, damytýshy jáne eń bastysy qaýipsiz demalys ýaqyty bolmaq.
