Al orman sharýashylyǵy salasynda Prezidenttiń 2 milliard aǵash otyrǵyzý jónindegi bastamasymen eki jylda 1300 gektar aýmaqqa 6,1 million kóshetter egildi.
– Biyl Shyǵys Qazaqstanda 1,5 myń gektar aýmaqqa 8 million aǵash otyrǵyzý josparlanýda. Biylǵy kóktemgi orman sharýashylyǵy jumystary bastalǵaly 40 gektar aýmaqqa 196 myń túp aǵash otyrǵyzyldy, – dedi ministr.
Ol sondai-aq ministrliktiń balyq sharýashylyǵyn damytý boiynsha jumys júrgizip jatqanyn aitty. 2030 jylǵa deiin Shyǵys Qazaqstan oblysynda balyq ósirý kólemin 9,7 myń tonnaǵa jetkizý josparlanýda.
– Baǵdarlamaǵa sáikes 2023 jyly 2846 tonna balyq ósirý josparlanýda. Biylǵy jyldyń 1 toqsanynda 769 tonna taýarlyq balyq ósirildi. Al jyl sońyna deiin Óskemen jáne Buqtyrma sý qoimalarynda baǵaly balyq ósirý úshin balyq sharýashylyǵy qurylady, – dep túiindedi óz sózin Zúlfiia Súleimenova.
