ShQO Prokýratýrasy 1,9 mlrd teńgeden astam somaǵa aktivterdi memleketke qaitardy, dep habarlaidy Dalanews.kz.
Óńirde tehnikalyq sala mamandaryn (qurylysshylardan taý-ken metallýrgterine, himikter men baǵdarlamashylarǵa deiin) daiarlaityn, 60 jyldyq tarihy bar (1968 jyly qurylǵan) memlekettik «D. Serikbaev atyndaǵy Shyǵys Qazaqstan tehnikalyq ýniversiteti» KEAQ-JOO (budan ári-Ýniversitet) qyzmetin atqarady.
2008 jyly ýniversitet janynan «Altai «Shyǵys Qazaqstan óńirlik tehnoparki» JShS (budan ári - Tehnopark) quryldy, onyń missiiasy – innovatsiialardy damytýdyń jańa baǵyttaryn ázirleý jáne engizý.
Tehnoparktegi qatysýshylardyń úlesin satyp alý jáne ielikten shyǵarý boiynsha birqatar mámilelerdiń nátijesinde olardyń quramy ózgerdi.
Memleket aktivterin básekelestik ortaǵa berý zańdylyǵyn taldaý arqyly ýniversitet múlkin jarǵylyq kapitaldaǵy úlestermen aila-sharǵy jasaý arqyly jeke sýbektige berý belgileri anyqtaldy.
Aldyn ala tujyrymdar Tehnopark qyzmetindegi prokýrorlyq tekserý barysynda rastaldy, atap aitqanda: 1,5 mlrd astam somaǵa múliktik zalal keltirý (ýniversitet úlesin azaitý, sondai-aq qarajatty alý jolymen), quny 1,4 mlrd memlekettik múlikti zańsyz kepilge salý, josyqsyz teń quryltaishy tarapynan salyqtyq jeńildikterdi zańsyz qoldaný faktileri anyqtaldy.
Tekserý nátijeleri boiynsha Ýniversitettiń atyna qadaǵalaý aktisi engizildi, ony oryndaý sheńberinde memlekettik ýniversitet kepil sharttarynyń, sondai-aq jarǵylyq kapital úlesin azaitý týraly jinalystyń hattamalarynyń kúshin joiý týraly talap aryz berdi.
Prokýrorlar sotqa múddeli tulǵa retinde qatysty.
Sot talqylaýlarynyń nátijeleri boiynsha memlekettik múlikten barlyq aýyrtpalyqtar alynyp tastaldy, ýniversitetke úshinshi tulǵaǵa zańsyz berilgen Tehnoparktegi qatysý úlesiniń 535 mln 78,48%-y quny qaitaryldy jáne Tehnoparktińjosyqsyz teń quryltaishy aldyndaǵy 1,6 mlrd somasyndaǵy bereshegi joiyldy.
Tekserý materialdary boiynsha ShQO boiynsha Ekonomikalyq tergeý departamenti QR QK 195 – baby boiynsha (aldaý nemese senimdi teris paidalaný jolymen múliktik zalal keltirý) sotqa deiingi tergep-tekserýdi bastady. Tergeý júrgizilýde.
Osylaisha, Tehnoparktegi qatysý úlesiniń 100%-y memleketke qaitaryldy, múlik aýyrtpalyqtan tolyǵymen bosatyldy.
