شقو پروكۋراتۋراسى 1،9 ملرد تەڭگەدەن استام سوماعا اكتيۆتەردى مەملەكەتكە قايتاردى، دەپ حابارلايدى Dalanews.kz.
وڭىردە تەحنيكالىق سالا ماماندارىن (قۇرىلىسشىلاردان تاۋ-كەن مەتاللۋرگتەرىنە، حيميكتەر مەن باعدارلاماشىلارعا دەيىن) دايارلايتىن، 60 جىلدىق تاريحى بار (1968 جىلى قۇرىلعان) مەملەكەتتىك «د. سەرىكبايەۆ اتىنداعى شىعىس قازاقستان تەحنيكالىق ۋنيۆەرسيتەتى» كەاق-جوو (بۇدان ارى-ۋنيۆەرسيتەت) قىزمەتىن اتقارادى.
2008 جىلى ۋنيۆەرسيتەت جانىنان «التاي «شىعىس قازاقستان وڭىرلىك تەحنوپاركى» ج ش س (بۇدان ءارى - تەحنوپارك) قۇرىلدى، ونىڭ ميسسياسى – يننوۆاسيالاردى دامىتۋدىڭ جاڭا باعىتتارىن ازىرلەۋ جانە ەنگىزۋ.
تەحنوپاركتەگى قاتىسۋشىلاردىڭ ۇلەسىن ساتىپ الۋ جانە يەلىكتەن شىعارۋ بويىنشا ءبىرقاتار مامىلەلەردىڭ ناتيجەسىندە ولاردىڭ قۇرامى وزگەردى.
مەملەكەت اكتيۆتەرىن باسەكەلەستىك ورتاعا بەرۋ زاڭدىلىعىن تالداۋ ارقىلى ۋنيۆەرسيتەت مۇلكىن جارعىلىق كاپيتالداعى ۇلەستەرمەن ايلا-شارعى جاساۋ ارقىلى جەكە سۋبەكتىگە بەرۋ بەلگىلەرى انىقتالدى.
الدىن الا تۇجىرىمدار تەحنوپارك قىزمەتىندەگى پروكۋرورلىق تەكسەرۋ بارىسىندا راستالدى، اتاپ ايتقاندا: 1،5 ملرد استام سوماعا مۇلىكتىك زالال كەلتىرۋ (ۋنيۆەرسيتەت ۇلەسىن ازايتۋ، سونداي-اق قاراجاتتى الۋ جولىمەن)، قۇنى 1،4 ملرد مەملەكەتتىك مۇلىكتى زاڭسىز كەپىلگە سالۋ، جوسىقسىز تەڭ قۇرىلتايشى تاراپىنان سالىقتىق جەڭىلدىكتەردى زاڭسىز قولدانۋ فاكتىلەرى انىقتالدى.
تەكسەرۋ ناتيجەلەرى بويىنشا ۋنيۆەرسيتەتتىڭ اتىنا قاداعالاۋ اكتىسى ەنگىزىلدى، ونى ورىنداۋ شەڭبەرىندە مەملەكەتتىك ۋنيۆەرسيتەت كەپىل شارتتارىنىڭ، سونداي-اق جارعىلىق كاپيتال ۇلەسىن ازايتۋ تۋرالى جينالىستىڭ حاتتامالارىنىڭ كۇشىن جويۋ تۋرالى تالاپ ارىز بەردى.
پروكۋرورلار سوتقا مۇددەلى تۇلعا رەتىندە قاتىستى.
سوت تالقىلاۋلارىنىڭ ناتيجەلەرى بويىنشا مەملەكەتتىك مۇلىكتەن بارلىق اۋىرتپالىقتار الىنىپ تاستالدى، ۋنيۆەرسيتەتكە ءۇشىنشى تۇلعاعا زاڭسىز بەرىلگەن تەحنوپاركتەگى قاتىسۋ ۇلەسىنىڭ 535 ملن 78،48%-ى قۇنى قايتارىلدى جانە تەحنوپاركتىڭجوسىقسىز تەڭ قۇرىلتايشى الدىنداعى 1،6 ملرد سوماسىنداعى بەرەشەگى جويىلدى.
تەكسەرۋ ماتەريالدارى بويىنشا شقو بويىنشا ەكونوميكالىق تەرگەۋ دەپارتامەنتى ق ر قك 195 – بابى بويىنشا (الداۋ نەمەسە سەنىمدى تەرىس پايدالانۋ جولىمەن مۇلىكتىك زالال كەلتىرۋ) سوتقا دەيىنگى تەرگەپ-تەكسەرۋدى باستادى. تەرگەۋ جۇرگىزىلۋدە.
وسىلايشا، تەحنوپاركتەگى قاتىسۋ ۇلەسىنىڭ 100%-ى مەملەكەتكە قايتارىلدى، مۇلىك اۋىرتپالىقتان تولىعىمەن بوساتىلدى.
