– Platformada artsport.edu.kz memlekettik sporttyq tapsyrysty iske asyrý sheńberinde 155 sport úiirmesinde 4 240 balany qamti otyryp, sporttyń 18 túri boiynsha 31 ónim berýshi qyzmetin júzege asyrady.
Budan basqa, dene shynyqtyrý jáne sport basqarmasy 2022 jyly dene shynyqtyrýmen jáne sportpen shuǵyldanatyn halyqty 288,6 myń adamǵa deiin qamtýdy qamtamasyz etti.
Balalardyń buqaralyq sportty damytý úshin qosymsha sport sektsiialary ashylady. 2021-2022 jyldary buqaralyq sport túrleri boiynsha qosymsha 1 505 tegin sport sektsiiasy ashyldy, al ótken jyly 38 sport nysany paidalanýǵa berildi, – dedi ShQO dene shynyqtyrý jáne sport basqarmasynyń basshysy Jandos Saihanov.
Sonymen qatar, erekshe qajettilikteri bar jandarǵa da jiti kóńil bólinbek.
– Óńirde múmkindigi shekteýli jandarǵa arnalǵan sport klýby jumys isteidi. Klýb óz qyzmetin birneshe baǵytta júzege asyrady – bul Paralimpiadalyq jáne sýrdolimpiadalyq qozǵalystar, speshial olimpiks jáne ippoterapiia.
Qazirgi ýaqytta QR Ulttyq quramasynda Shyǵys Qazaqstannan erekshe qajettilikteri bar 42 sportshy bar, – dedi J.Saihanov.
Biylǵy jyl aimaq sportshylary úshin jemisti bastaldy. 2023 jyldyń 3 aiynda Shyǵys Qazaqstan sportshylary túrli sport túrleri boiynsha 1880 medal jeńip aldy, onyń ishinde: 642 – altyn, 647 – kúmis, 591 – qola medaldar.
– 2023 jylǵy 31 qańtar men 8 sáýir aralyǵynda Qazaqstan Respýblikasynyń jastar arasynda 4 qysqy sport oiyndary ótti. Jarysqa 11 qysqy sport túri boiynsha 18 oblystan kelgen sportshylar qatysty. Jalpy komandalyq esepte ShQO komandasy 536 upaimen 2 oryn aldy.
Sondai - aq biyl óńirdiń 300 sportshysy 35 Halyqaralyq týrnirge jáne 150-den astam sportshy túrli sport túrlerinen álem jáne Aziia resmi chempionattaryna qatysady dep josparlanýda, – dedi ShQO dene shynyqtyrý jáne sport basqarmasynyń basshysy.
Sonymen qatar, biylǵy jyly Álem chempionattary men Kýboktarynda oblys sportshylary 9 medal jeńip aldy, onyń ishinde 4 sportshy chempion bolsa, Aziia chempionattarynda 7 altyn medal, al 6 sportshy Aziia júldegerleri atandy.
"Biyl AQSh-ta Leik-Plesid qalasynda 31-shi Dúniejúzilik Qysqy Ýniversiada ótti. Jarysqa álemniń 43 elinen 1443 sportshy qatysty. QR Ulttyq quramasynyń quramyna bizdiń oblystyń sportshysy Sergei Tkachenko qatysyp, shańǵymen tramplinnen sekirýden kúmis medal jeńip aldy. Al kelesi jyly jazda Parijde 33-shi jazǵy Olimpiada oiyndary ótedi. Búgingi tańda oblystan 8 sport túrinen 19 sportshy úmitker bolyp tabylady" dedi spiker.
