«Bir aýyl – bir ónim» kórmesinde Altai aýdanynyń aýyldyq okrýgterinen kelgen taýar óndirýshiler ónimderin usyndy, dep habarlaidy Dalanews.kz ShQO ákimdiginiń baspasóz qyzmetine silteme jasap.
Altai aýdanynda jumys saparymen júrgen Shyǵys Qazaqstan oblysynyń ákimi Ermek Kósherbaev otandyq óndiris ónimderiniń assortimentimen tanysty. Óńir basshysy bilik jumys istep turǵan óndiristi keńeitý jáne jańasyn ashý boiynsha kásipkerlerdiń jobalaryn qoldaýǵa daiyn ekenin atap ótti.
- Biz áleýetimizdi damytamyz. Bul Altai aýdanynan shyǵatyn ónimderdiń az ǵana bóligi. Biz naryqty otandyq taýarlarmen qalai qamtamasyz etý kerektigin qarastyrýymyz qajet. Memleket kásipkerdiń belgili bir óndiristi ashýy úshin jaǵdai jasaýy kerek. Bizde jaqsy memlekettik baǵdarlamalar bar. Qorqýdyń qajeti joq, qimyldaý kerek. Aýyldyq okrýgterdiń ákimderi osy baǵytta halyqpen jumys júrgizýi tiis, - dep atap ótti Ermek Kósherbaev.
Jańa óndiris naryqty otandyq ónimmen qamtamasyz etip qana qoimai, turǵyndardy, atap aitqanda aýyldyq jerlerde jumys oryndarymen qamtamasyz etýge múmkindik beredi.
