Bul týraly óńirdiń bas sanitar dárigeri Marat Ismailov málimdedi.
Aita ketsek, Shyǵys Qazaqstan oblysy elimizdegi týrizmi damyǵan aimaqtardyń biri. Katonqaraǵai, Altai alpisi, Sibe kóli siiaqty demalys aimaqtaryna týrister jyl saiyn kóptep barady.
Ásirese, Alakól kóli týristerdiń súiikti demalys orny. Alakól jaǵalaýyn abattandyrý jumystary 2016 jyldan bastap júrgizilip keledi. Osy ýaqyt aralyǵynda demalys aýmaǵy birshama keńeiip, demalýshylar úshin óte yńǵaily boldy.
Alakól jaǵajaiynda qazirgi tańda 333 kommertsiialyq nysan qyzmet etedi. Aimaq basshysy Danial Ahmetovtyń aitýynsha, biyl da demalys jailylyǵynyń deńgeiin arttyrý maqsatynda birqatar iri infraqurylym nysandarynyń qurylysyn bastaý josparlanyp otyr.
- Semei men Óskemen qalalarynyń áýejaiyna kelgen barlyq jolaýshylar COVID-19 ekspress-synaqtamasyn tapsyratyn bolady. Áýejailarda, temirjol men avtovokzaldarda mindetti túrde meditsinalyq betperde taǵyp, araqashyqtyqty saqtap, sanitaizerlerdi qoldaný kerek. Budan basqa, keletin jáne ketetin jolaýshylar úshin jeke dálizder jumys isteidi, áýejai men vokzal ǵimarattarynda jolaýshylardy shyǵaryp salýǵa tyiym salynady, - deidi Marat Ismailov.
Bas dárigerdiń aitýy boiynsha, eger barlyq sanitarlyq talaptar saqtalatyn bolsa, demalýshylarǵa esh shekteý qoiylmai, qalaǵan ýaqyty boiynsha demalysyn ótkize alady.
Basty talap – sanitarlyq, zalalsyzdandyrý sharttaryn qatań saqtaý. Ákimdik tarapynan da qatań baqylaý ornatylatyn bolady.
Jalpy, demalys bazalaryna joldamalar baǵasy ótken jylmen salystyrǵanda ózgerissiz, onlain satylymǵa túsýde. Iaǵni, sýy emdi shipajaida adamdar saýyqtandyrýdan ótip, ishki týrizmniń damýyna yqpal etpek.
Aita ketelik Alakólge baratyndarǵa aldymen qai jaǵalaýda demalǵysy keletinin anyqtap alý kerek. Óitkeni demalýǵa yńǵaily eki jaǵalaý bar. Biri, Shyǵys Qazaqstan oblysyna qarasty Jarbulaq jaqta, ekinshisi, Almaty oblysy Alakól aýdanyna qarasty Aqshi jaǵalaýy.
