بۇل تۋرالى ٶڭٸردٸڭ باس سانيتار دەرٸگەرٸ مارات يسمايلوۆ مەلٸمدەدٸ.
ايتا كەتسەك, شىعىس قازاقستان وبلىسى ەلٸمٸزدەگٸ تۋريزمٸ دامىعان ايماقتاردىڭ بٸرٸ. كاتونقاراعاي, التاي الپٸسٸ, سٸبە كٶلٸ سيياقتى دەمالىس ايماقتارىنا تۋريستەر جىل سايىن كٶپتەپ بارادى.
ەسٸرەسە, الاكٶل كٶلٸ تۋريستەردٸڭ سٷيٸكتٸ دەمالىس ورنى. الاكٶل جاعالاۋىن اباتتاندىرۋ جۇمىستارى 2016 جىلدان باستاپ جٷرگٸزٸلٸپ كەلەدٸ. وسى ۋاقىت ارالىعىندا دەمالىس اۋماعى بٸرشاما كەڭەيٸپ, دەمالۋشىلار ٷشٸن ٶتە ىڭعايلى بولدى.
الاكٶل جاعاجايىندا قازٸرگٸ تاڭدا 333 كوممەرتسييالىق نىسان قىزمەت ەتەدٸ. ايماق باسشىسى دانيال احمەتوۆتىڭ ايتۋىنشا, بيىل دا دەمالىس جايلىلىعىنىڭ دەڭگەيٸن ارتتىرۋ ماقساتىندا بٸرقاتار ٸرٸ ينفراقۇرىلىم نىساندارىنىڭ قۇرىلىسىن باستاۋ جوسپارلانىپ وتىر.
- سەمەي مەن ٶسكەمەن قالالارىنىڭ ەۋەجايىنا كەلگەن بارلىق جولاۋشىلار COVID-19 ەكسپرەسس-سىناقتاماسىن تاپسىراتىن بولادى. ەۋەجايلاردا, تەمٸرجول مەن اۆتوۆوكزالداردا مٸندەتتٸ تٷردە مەديتسينالىق بەتپەردە تاعىپ, اراقاشىقتىقتى ساقتاپ, سانيتايزەرلەردٸ قولدانۋ كەرەك. بۇدان باسقا, كەلەتٸن جەنە كەتەتٸن جولاۋشىلار ٷشٸن جەكە دەلٸزدەر جۇمىس ٸستەيدٸ, ەۋەجاي مەن ۆوكزال عيماراتتارىندا جولاۋشىلاردى شىعارىپ سالۋعا تىيىم سالىنادى, - دەيدٸ مارات يسمايلوۆ.
باس دەرٸگەردٸڭ ايتۋى بويىنشا, ەگەر بارلىق سانيتارلىق تالاپتار ساقتالاتىن بولسا, دەمالۋشىلارعا ەش شەكتەۋ قويىلماي, قالاعان ۋاقىتى بويىنشا دەمالىسىن ٶتكٸزە الادى.
باستى تالاپ – سانيتارلىق, زالالسىزداندىرۋ شارتتارىن قاتاڭ ساقتاۋ. ەكٸمدٸك تاراپىنان دا قاتاڭ باقىلاۋ ورناتىلاتىن بولادى.
جالپى, دەمالىس بازالارىنا جولدامالار باعاسى ٶتكەن جىلمەن سالىستىرعاندا ٶزگەرٸسسٸز, ونلاين ساتىلىمعا تٷسۋدە. ياعني, سۋى ەمدٸ شيپاجايدا ادامدار ساۋىقتاندىرۋدان ٶتٸپ, ٸشكٸ تۋريزمنٸڭ دامۋىنا ىقپال ەتپەك.
ايتا كەتەلٸك الاكٶلگە باراتىندارعا الدىمەن قاي جاعالاۋدا دەمالعىسى كەلەتٸنٸن انىقتاپ الۋ كەرەك. ٶيتكەنٸ دەمالۋعا ىڭعايلى ەكٸ جاعالاۋ بار. بٸرٸ, شىعىس قازاقستان وبلىسىنا قاراستى جاربۇلاق جاقتا, ەكٸنشٸسٸ, الماتى وبلىسى الاكٶل اۋدانىنا قاراستى اقشي جاعالاۋى.
