Shyǵys Qazaqstan oblysynyń ákimi Ermek Kósherbaev qazynaly qarttarymyzdy 1 qazan – Halyqaralyq qarttar kúni merekesimen quttyqtady, dep habarlaidy Dalanews.kz.
– Búgin biz meiirim men qamqorlyqqa toly erekshe merekelerdiń biri - Qarttar kúnin atap ótýdemiz. Aǵa býyn ókilderi - eren eńbekqorlyq pen teńdesi joq tózimdilikti keiingi urpaqqa ónege etetin jandar, danalyq pen dástúr saqtaýshysy. Elimizdiń qarqyndy damýy jolyndaǵy qol jetkizgen tolaǵai tabystar men aitýly jetistikter, eń birinshi kezekte, sizder negizin qalaǵan, birlik pen yntymaqtyń arqasy, eren eńbektiń jemisi. Jastar úshin aǵa urpaqtyń danalyǵy baǵa jetpes bailyq. Shyǵys Qazaqstanda aǵa býyn ókilderi belsendi azamattyq ustanymyn kórsetip, bolyp jatqan oqiǵalardan qalys qalmai, ózekti máselelerdi talqylaýǵa qatysady. Sizder óńirimizdiń óristep, kóshimizdiń órge basyp, órken jaiýy jolynda erekshe úles qosyp kelesizder. Bizdiń negizgi mindet qazynaly qarttarymyzǵa shynaiy qamqorlyq jasap, qoldaý kórsetý. Mereili merekede, barshaǵyzǵa zor densaýlyq, qajymas qairat, uzaq ǵumyr, amandyq tileimin, - dedi oblys ákimi Ermek Kósherbaev.
