Qazaqstandaǵy jekemenshik zerthanalar men meditsinalyq uiymdar mindetti áleýmettik meditsinalyq saqtandyrý (OSMS) jáne tegin meditsinalyq kómektiń kepildik berilgen kólemi (TMKKK) aiasynda patsientterdi qabyldaýdy toqtatýy múmkin ekenin málimdedi, dep habarlaidy dalanews.kz.
Máseleniń máni mynada, memlekettik emhanalar naýqastardy taldaý men tekserýge jekemenshik zerthanalarǵa jiberedi. Biraq keiin bólingen qarjy limiti asyp ketkeni anyqtalsa, emhanalar sot arqyly zerthanalardan kórsetilgen qyzmet úshin tólengen aqshany qaitarýdy talap etedi.
Zerthanalar bolsa emhanalardyń biýdjetinde qansha qarajat qalǵanyn kóre almaitynyn aitady. Sondyqtan olar qyzmet kórseter aldynda qarjy jetkilikti me, joq pa – ony tekserýge múmkindigi joq.
"Olimp" zerthanalar jelisiniń basshysy Erlan Súleimenovtiń aitýynsha, jekemenshik zerthanalar memlekettik mekemelerdiń joldamasymen kelgen naýqastardy qabyldaýǵa mindetti jáne qyzmet kórsetýden bas tarta almaidy.
Al Áleýmettik meditsinalyq saqtandyrý qory bul daýǵa aralasa almaitynyn málimdedi, sebebi qordyń jekemenshik zerthanalarmen tikelei kelisimsharty joq.
