Shyǵys Qazaqstan oblysynyń ákimi Nurymbet Saqtaǵanov Samar aýdanyna jasaǵan jumys sapary barysynda áleýmettik jáne injenerlik infraqurylymnyń mańyzdy nysandaryn aralap, damý basymdyqtaryn aiqyndap, jergilikti turǵyndarmen kezdesti,- dep habarlaidy Dalanews.kz
Aýdannyń ákimshilik ǵimarattarynyń jai-kúiine erekshe nazar aýdaryldy. Óńir basshysy tótenshe jaǵdailar bólimi, politsiia bólimi, aýdandyq sot, kitaphana jáne Samar aýylsharýashylyq-tehnikalyq kolledjiniń jataqhanasyn aralaý barysynda bul nysandardyń tehnikalyq jaǵdaiynyń qanaǵattanarlyqsyz ekenin atap ótti. Eń aldymen, TJ jáne politsiia ǵimarattaryn kúrdeli jóndeýden ótkizý úshin jobalyq-smetalyq qujattama daiyndaý tapsyryldy.
Aýdanda kásipkerlikke jaǵdai jasaýǵa da erekshe kóńil bólinýde. Týrizm salasy basym baǵyt retinde qarastyrylýda. Buqtyrma sý qoimasynyń osy bóliginde demalysty damytýǵa baǵyttalǵan kóptegen startaptar men biznes-jobalar júzege asyrylyp jatyr. Biyl Peschanka aýylyna deiingi 30 shaqyrym joldy jóndeý josparlanǵan, bul kólik qatynasynyń qoljetimdiligin arttyryp, týristik belsendilikke qolaily jaǵdai jasaidy. Memleket bul saladaǵy jobalardy iske asyrýǵa jan-jaqty qoldaý kórsetýge daiyn.
Sapardyń mańyzdy núkteleriniń biri – Keńes Odaǵynyń úsh Batyry dúniege kelgen Podgornoe aýyly boldy. Óńir basshysy munda ótken eske alý sharalaryna jáne batyrlarǵa arnalǵan eskertkishke gúl shoqtaryn qoiý rásimine qatysty.
– Elimizdegi ár aýyl mundai qaharman perzentterimen maqtana almaidy. Sondyqtan da mundaǵy infraqurylym soǵan laiyqty bolýy tiis. Palattsy aýylynan Podgornoe aýylyna deiingi 18 shaqyrym jáne Qarakól aýylyna deiingi 20 shaqyrym joldy jóndeý týraly sheshim qabyldandy, – dedi oblys ákimi.
Aýdan damýy áleýmettik salany jańǵyrtý baǵyty boiynsha da jalǵasady. Halyq sanynyń ósýine bailanysty 150 oryndyq jańa mektep salý jobasy ázirlenip jatyr. Sonymen qatar, mádeniet pen sport nysandaryn qalpyna keltirý arqyly turǵyndardyń bos ýaqytyn ótkizýge jaǵdai jasalady.
Kezdesý barysynda sý máselesi de kóterildi. Samar aýdanyndaǵy sý qoimasy kúrdeli jóndeýdi qajet etedi. Bul shara sýarmaly jer kólemin 500 gektardan 1200 gektarǵa deiin ulǵaitýǵa múmkindik beredi. Atalǵan jobanyń egjei-tegjeiin pysyqtap, kelesi aptada salalyq mamandarmen arnaiy jiyn ótkizý tapsyryldy.
Uly Jeńistiń 80 jyldyǵyna orai tyl ardagerleri Elizaveta Bikbaeva men Kýrma Jetenevaǵa Qazaqstan Respýblikasy Prezidentiniń «Uly Otan soǵysyndaǵy Jeńiske 80 jyl» medali tabys etildi.
– Sizderdiń erlikterińiz – máńgilik, al rýhyńyz – barsha urpaqqa úlgi, – dedi Nurymbet Saqtaǵanov, Kýrma apanyń 100 jyldyq mereitoiyna ózi keletinin ýáde etip.
