Qazaqstan Respýblikasynyń Prezidenti Qasym-Jomart Toqaevtyń Jarlyǵymen ulttyq mádenietti damytý men nasihattaýǵa qosqan erekshe úlesi jáne mádeniet salasyndaǵy eleýli jetistikteri úshin Ulan aýdandyq máslihatynyń depýtaty, mádeniet qyzmetkeri Nurtai Tileýjan «Qurmet» ordenimen marapattaldy.
ShQO ákimi Nurymbet Saqtaǵanov mádeniet qairatkerin joǵary marapatymen quttyqtap, aldaǵy ýaqytqa shyǵarmashylyq tabystar tiledi.
Nurtai Tileýjan Mońǵoliianyń Baian-Ólgei aimaǵynda dúniege kelgen. 1991 jyly alǵash ret Qazaqstanǵa aitys saiysyna qatysý úshin kelgen, al 1992 jyly otbasymen birge tarihi otanyna qonys aýdaryp, Ulan aýdanynyń Aiyrtaý aýylyna turaqtaǵan. Qazaqstanǵa kelgen soń, aýyl sharýashylyǵynda eńbek etip, keiinnen aýdandyq mádeniet úiine jumysqa ornalasqan. Ol óziniń shyǵarmashylyq qabiletteri men qoǵamdyq belsendiligi arqyly tanylyp, bes ret aýdandyq máslihat depýtaty bolyp sailanǵan.
Nurtai Tileýjan – aýdandyq mádeniet úiiniń solisi retinde óner kórsetip, aitys ónerinde de belsendilik tanytqan. Ol óziniń shyǵarmashylyǵy arqyly ulttyq mádenietti nasihattap, jastarǵa úlgi bolýda.
Ol qoǵamdyq is-sharalarǵa belsene qatysyp, jastardy patriottyq rýhta tárbieleýge atsalysady. Ol «Parasat joly» jobasy aiasynda uiymdastyrylǵan rýhani kezdesýlerge qatysyp, sybailas jemqorlyqqa qarsy mádenietti qalyptastyrýǵa óz úlesin qosýda.
