ShQO ákimi Danial Ahmetov referendýmda daýys berdi
Basqa qala turǵyndarymen birge kezekke turǵan óńir ákimi Óskemen qalasyndaǵy №42 orta mektepte ornalasqan №9 sailaý ýchaskesinde sailaý biýlletenin alyp, toltyrdy. Sailaý komissiiasynyń músheleri tańerteńnen bastap azamattyq ustanymyn bildirgisi keletin halyqtyń úlken aǵymy júrip jatqanyn atap ótti.
Ásirese daýys berýshiler arasynda jastar kóp. «Konstitýtsiiaǵa engiziletin árbir ózgeris, saiyp kelgende, bizdiń ómirimizge qatysty. Sondyqtan men úlken qanaǵattanýshylyqpen, balalarym men nemerelerimniń baqytty, gúldengen Qazaqstanda ómir súretinine kámil senemin» dedi aimaq basshysy.
Esterińizge sala keteiik, usynylyp otyrǵan reformalardyń negizgi aspektisi Prezidenttiń, Parlamenttiń, Úkimettiń ókilettikterin qaita bólý túrinde tejemelik pen tepe-teńdiktiń ózindik júiesin qurý bolyp tabylady. Túzetýler búkil Konstitýtsiianyń úshten bir bóligin – 33 bapty qamtidy, bul olardyń aýqymyn kórsetedi. Olardy referendýmǵa shyǵarý memlekettik qurylys turǵysynan túsinikti qadam ekeni sózsiz. Jalpy, jalpyhalyqtyq daýys berý-azamattardyń qandai da bir másele boiynsha óz pikirin bildirýiniń dástúrli tásilderiniń biri. Sonymen qatar, bul halyqaralyq tájiribege sáikes keledi.
