Óńir basshysy Vetnam Sotsialistik Respýblikasynyń Qazaqstanstandaǵy tótenshe jáne ókiletti elshisi Fam Thai Ny Maidy jáne ókilderin qabyldady,dep habarlaidy Dalanews.kz.
Birqatar bastamalar kóterilip, ShQO men Vetnam arasyndaǵy áriptestikti nyǵaitý, investitsiia tartý syndy máseleler josparlandy.
Shyǵys Qazaqstan oblysy Resei men Qytai syndy alpaýyt memlekettermen shekaralas, ońtústik pen soltústikti, batys pen shyǵysty qosatyn altyn qaqpa. Oblys elimizdegi mańyzdy tústi metallýrgiianyń oshaǵy, indýstriialdy-agrarly aimaq. Aimaq basshysy osy kórsetkishterge toqtala otyryp, aldaǵy ýaqytta Vetnam Sotsialistik Respýblikasymen týrizm, jeńil ónerkásip, aqparattyq tehnologiialar salasynda birlese jumys atqarýǵa daiyn ekenin aityp ótti.
Vetnam brendteri álemdik arenada sapasymen tanymal. Eki el arasyndaǵy áriptestikti nyǵaita otyryp, ónerkásip túrlerin damytýǵa daiynbyz. Atap aitqanda, Vetnam investorlarymen birigip azyq-túlik, jeńil ónerkásip salasyn, sonyń ishinde tigin salasynyń áleýetin arttyrǵymyz keledi. Sonymen qatar, Óskemen áýejaiyn Vetnam men Orta Aziiany qosatyn tiimdi týristik nysanǵa ainaldyrý oida bar, - dedi Ermek Bedelbaiuly.
Vetnam Sotsialistik Respýblikasynyń farmatsevtikalyq-kosmetikalyq brendteri Qazaqstan naryǵynda suranysqa ie. Al, shyǵys jeriniń asty da, ústi de bailyqqa toly, osy baǵytta da utymdy bastama kóterýge bolady.
Shyǵys Qazaqstanda birinshi ret elshiliktemin, oblys tabiǵaty kóz tartatyn alyp óndiris ortalyǵy ekenin ańǵartty. Vetnamdyq investorlarǵa Shyǵys Qazaqtsandyq salalardyń qaýqarly ekenin jetkizetin bolamyn, eki el arasyndaǵy árptestikti nyǵaitýǵa daiynbyz,- dedi Tótenshe jáne ókiletti elshi Fam Thai Ny Mai.
Aita keteiik, ótken jyly Vetnam men Qazaqstan arasyndaǵy saýda kólemi 1 mlrd AQSh dollaryn quraǵan edi, óńir basshysy Ermek Kósherbaev tek ShQO men Vetnam arasynda osy kólemde seriktestik jasaýdy usyndy.
