Ákimdiktegilerdiń usynysyna súiensek, qalai bolǵanda da biyldan qaldyrmai JEO memleket investitsiiasy arqyly jónge keltirý kerek.
Óitkeni ortalyqtyń qazirgi qojaiyndary 2023 jylǵa deiin kásiporyndy jóndeý jumystaryn josparǵa qospaǵan. Sebep – qarjynyń tapshylyǵy.
Ridder jylý elektr ortalyǵynda 1997 jyldan beri eki márte menshik iesi aýysqan.
Aldymen AQSh –tyń kompaniiasy ielik etken. Keiin sheteldik holdingtiń enshilik kompaniiasynyń quramyna endi. Al 2018 jyldan beri Almatylyq firma menshiginde.
Sońǵy jyldary jańa qojaiyndardyń jumysy alǵa baspai keledi. 2019 jyly ortalyqtaǵy týrbogenaratordyń isten shyǵýy saldarynan qýaty kemip, energiia ónimdiligi tómendegen.
Mysaly, 2020 jyldyń 1 naýryzy men 2021 jyldyń 29-shy aqpany aralyǵynda Ridder jylý elektr ortalyǵynda energiia óndirýge 2 mlrd teńgeden astam shyǵyn ketken. Al tabys kólemi 1,5 mlrd teńgege de jetpegen.
Oblys ákimi Danial Ahmetovtyń atap ótkenindei jylý elektr ortalyǵynyń basshylyǵy jaýapkershilikti sezinbegen, sonyń saldarynan jóndeý jumystary tiisti deńgeide uiymdastyrylmaǵan.
"Árine, bul jaǵdaiǵa biz atústi qarai almaimyz. Sondyqtan, ortalyqty kommýnaldyq menshikke qaitarý máselesin qarastyryp jatyrmyz", – deidi aimaq basshysy.
5 qarashada Ridderdegi jergilikti jylý elektr ortalyǵynda apat bolyp, 22 myń abonent jylýsyz qalǵan edi. Artynsha jedel shtab qurylyp, qalada tótenshe jaǵdai jariialandy.
