Shókeev túrkistandyqtardy onlain qabyldady
Ákimniń jeke qabyldaýyna óz máselesimen 10-nan astam azamat qatysty. Oblys basshysynyń qabyldaýyna jazylǵan oblys turǵyndarynyń basym bóligi jeke máseleleri boiynsha ótinishterin jetkizdi. Aita keteiik, oblys ákimi karantin bastalǵannan beri azamattardy onlain qabyldaýdy toqtatqan emes.
Qashyqtyqtan ótken qabyldaýda oblys turǵyndary turǵyn úi, jer, áleýmettik jáne infroqurylym, shaǵyn kásipkerlikti qoldaý máselesin kóterdi. Túrkistandyqtardyń ótinishterin tyńdaǵan Ómirzaq Estaiuly kóterilgen máseleler qoldanystaǵy zań aiasynda qaralyp, kómek kórsetiletinin túsindirdi.
Oblys ákiminiń qabyldaýyna jazylǵan Túrkistan qalasynyń turǵyny anasynyń qaterli isik aýrýyna shaldyǵyp, tósek tartýyna bailanysty jaialyq jáne azyq-túlikpen qamtamasyz etý jóninde ótinishin jetkizdi. Atalǵan azamatshaǵa ataýly áleýmettik tolyq tólengen.
Kepildendirilgen áleýmettik toptama, qaiyrymdylyq qor tarapynan azyq-túlik sebetteri berilgen. Arnaiy komissiiasynyń qorytyndysy negizinde ońaltýdyń jeke baǵdarlamasy bekitilmegenine bailanysty, mindetti gigienalyq quralmen qamtamasyz etý qaralmaǵan. Oblys basshysy azamatshanyń ótinishin oryndaýdy Túrkistan qalasynyń ákimine júktedi.
Otyrar aýdanynyń turǵyny aýyl sharýashylyǵy maqsatyndaǵy 200 gektar jerine sharýashylyq nysandaryn salýǵa kómek surady. Oblys ákimi ótinish iesine aýyl sharýashylyǵy salasyn damytýǵa ainalym, qarjy baǵyttary boiynsha jeńildetilgen nesieler usynyp, jol silteýdi oblystyq aýyl sharýashylyǵy basqarmasynyń basshylyǵyna tapsyrdy. Aimaq basshysy jaiylymdyq jerlerge qatysty máseleniń ózektiligin eskertti.
Kei ótinishterdiń zańdy negizi bolmaǵandyqtan, oblys ákimi ondai azamattarǵa demeýshilerdiń kómegimen qoldaý kórsetýdi júktedi. Oblys ákiminiń qabyldaýynda bolǵan Saryaǵash aýdanynyń azamatshasy sot úkimimen baspanasyz qalǵanyn jetkizdi. Ómirzaq Estaiuly birneshe jyldan beri sheshimin tappai keletin máselesin aitqan qariiaǵa demeýshiler tarapynan qoldaý kórsetýdi aýdan ákimine tapsyrdy.
– Zań solai, tártip solai. Aýdan ákimderi qarańyzdar, joldaryn izdeńizder. Múmkin demeýshiler arqyly kómek berý kerek. Qabyldaýǵa jazylǵan azamattardyń máselesi barynsha zań aiasynda sheshilgeni durys. Bir adamnyń ótinishiniń artynda búkil otbasy men onyń jaqyndary turady. Muny jaqsy túsinýimiz kerek, – dedi Ómirzaq Estaiuy.
Ákim qabyldaýynda bolǵandardyń arasynda eski mektepti mádeniet úiine ainaldyrý, aýyl ishindegi jolda jasandy jol kedergilerin ornatý, aýyldy abattandyrý sekildi ótinishterin jetkizdi.
Ómirzaq Shókeev túrkistandyqtardyń usynys-shaǵymdaryn jeke baqylaýyna alyp, jaýapty tulǵalarǵa ár azamattyń máselesin jiti taldap, zań aiasynda sheshýdi mindettedi.
