Shókeev táýligine 500 tonna et óndiretin kásiporynnyń jumysymen tanysty
Jeke kásipker Beksultan Begalievtiń júze asyryp otyrǵan jobasynyń quny 3 mlrd teńgeni quraidy. Ekinshi deńgeidegi bankter men AQQ korporatsiiasy arqyly nesie alǵan kásipker táýligine 500 tonna et óndirýdi kózdeidi. Asyltuqymdy mal basyn bordaqylaityn keshende 25 jergilikti turǵyn turaqty jumyspen qamtylady.
Sapar barysynda oblys ákimi Sairam aýdany aýmaǵynda zańsyz jer qoinaýyn joiý boiynsha qurylǵan mobildi toptyń atqarǵan jumystarymen tanysty. Zańsyz jer qoinaýyn paidalaný faktilerin anyqtaý jáne olarǵa zertteý jumystaryn júrgizý maqsatynda Ómirzaq Shókeevtiń tapsyrmasymen jumysshy jáne mobildi top quramdary qurylyp, jappai tekserý bastalǵany belgili. Oblys basshysy bul baǵyttaǵy jumystardyń ári qarai jalǵasatynyn aityp, jaýapty tulǵalarǵa naqty tapsyrmalar júktedi.
Aýdan aýmaǵynda 23 keń taralǵan paidaly qazbalardy óndiretin oryndar ruqsat qujattary alynǵany anyqtaldy.
Mobildi top quramy QR Jer kodeksiniń 14-1, 147 baptaryn basshylyqqa alyp, aýyl sharýashylyq maqsatyndaǵy jerlerge túgendeý jumystaryn júrgizý barysynda, jer ýchaskelerin nysanaly maqsatyna sai paidalanbai, zańsyz jer ýchaskelerin qazyp, qiyrshyq tas óńdep, qurylys jumystaryn júrgizip otyrǵan 31 jeke jáne zańdy tulǵalar nemese 34 jer telimi anyqtalǵan.
Onyń ishinde 15 zańsyz jer qoinaýyn paidalanýshylarǵa shara kórilip, sotta qaralýda. 19 zańsyz jer qoinaýyn paidalanýshylar boiynsha Túrkistan oblystyq politsiia departamenti tarapynan tergep, tekserý júrgizilýde.
Sonymen qatar qurylǵan jumysshy jáne mobildi top, oblystyq avtokólik inspektsiiasymen birlese 56 qum tas tasymaldaýshy avtokólikterge 2 603 640 teńge aiyppul salyndy.
Túrkistan oblysynda Qazaqstandaǵy alǵashqy eresekter men balalarǵa arnalǵan jaialyqtar shyǵaratyn zaýyt óz jumysyn bastady. Túrik kompaniiasy «Royal Hijyen ve Sağlik Ürünleri San. Tic. A.Ş.» (Roial Hidjien) jáne Túrkistan oblysynyń múgedekter qoǵamy «CaPable Group» birlesip, Sairam aýdanynda óndiristik qýaty jylyna 100 mln.dana bolatyn jórgekterdi óndirý jobasyn iske asyrýdy bastady. Óndiris ornynda 60 jańa jumys orny ashyldy.
Joba quny 3 mlrd. teńgeni quraidy. Aita ketý kerek, bul óndiris eń aldymen oblystyń barlyq múgedekterin jaialyqtarmen qamtamasyz etedi, al qalǵan bóligi basqa óńirlerge ketedi. Tolyq qýatqa shyqqannan keiin investorlar óz ónimderin EAEO jáne TMD elderine eksporttaýdy josparlap otyr. Bul óz kezeginde otandyq eksporttyń damýyna qosymsha serpin beredi. Jobany iske asyrý barysynda investorlar QR SIM Investitsiialar komitetimen jasalǵan investitsiialyq kelisimshart sheńberinde memlekettik preferentsiialarǵa ie boldy.
