Jańa aýdanda 5 qabatty 36 turǵyn úi boi kótergen. Munda alleia boiyn túngi jaryqtandyrý jumystary júrgizilip, ǵimarattardyń qabyrǵasyna mýral salynady. Iassy kóshesiniń boiynda jelilik saiabaq pen sýburqaǵy bar zamanaýi gúlzardyń qurylysy júrgiziledi. 6 gektardan astam aýmaq abattandyrylyp, kógaldandyrylady.
Túrkistan qalasyndaǵy qurylys alańdaryn aralaý barysynda jańa jobalarmen tanysqan oblys basshysy olarǵa túzetýler engizip, maquldady. Qolǵa alynǵan barlyq jańa jobalardyń shahardyń búgingi kelbetine sai bolý kerektigin eskertti. Oblys ákimi, sondai-aq 20 qabatty jańa turǵyn úi kesheni men ákimshilik ǵimaraty bar 20 qabatty turǵyn úidiń qurylys basynda boldy. Jumys barysyn baqylap, merdigerlermen kezdesti.
Oblystyq politsiia departamentiniń jańa ǵimaraty da aiaqtalýǵa jaqyn. 470 orynǵa arnalǵan nysannyń jalpy aýdany – 15 myń sharshy metr. Jospar boiynsha qurylys biyl kóktemde tolyq aiaqtalýy tiis.
Túrkistandaǵy muz saraiynyń qurylysy da Ómirzaq Shókeevtiń jiti baqylaýynda. Sporttyq nysannyń qurylysy biyl aiaqtalýy tiis. Qysqy sport túrlerine arnalǵan saraidyń qurylysy byltyr tamyz aiynda bastalǵan.
Jalpy jer aýmaǵy 2 gektarǵa jýyq, ǵimarattyń jalpy aýdany 5 myń sharshy metrden asady. Bul ǵimaratta qysqy sport túrleri damytylyp, úiirmeler ashylady. Túrkistan tarihynda tuńǵysh ret qysqy sportpen kásibi túrde ainalysýǵa múmkindik jasalady.
