جاڭا اۋداندا 5 قاباتتى 36 تۇرعىن ٷي بوي كٶتەرگەن. مۇندا اللەيا بويىن تٷنگٸ جارىقتاندىرۋ جۇمىستارى جٷرگٸزٸلٸپ, عيماراتتاردىڭ قابىرعاسىنا مۋرال سالىنادى. ياسسى كٶشەسٸنٸڭ بويىندا جەلٸلٸك ساياباق پەن سۋبۇرقاعى بار زاماناۋي گٷلزاردىڭ قۇرىلىسى جٷرگٸزٸلەدٸ. 6 گەكتاردان استام اۋماق اباتتاندىرىلىپ, كٶگالداندىرىلادى.
تٷركٸستان قالاسىنداعى قۇرىلىس الاڭدارىن ارالاۋ بارىسىندا جاڭا جوبالارمەن تانىسقان وبلىس باسشىسى ولارعا تٷزەتۋلەر ەنگٸزٸپ, ماقۇلدادى. قولعا الىنعان بارلىق جاڭا جوبالاردىڭ شاھاردىڭ بٷگٸنگٸ كەلبەتٸنە ساي بولۋ كەرەكتٸگٸن ەسكەرتتٸ. وبلىس ەكٸمٸ, سونداي-اق 20 قاباتتى جاڭا تۇرعىن ٷي كەشەنٸ مەن ەكٸمشٸلٸك عيماراتى بار 20 قاباتتى تۇرعىن ٷيدٸڭ قۇرىلىس باسىندا بولدى. جۇمىس بارىسىن باقىلاپ, مەردٸگەرلەرمەن كەزدەستٸ.
وبلىستىق پوليتسييا دەپارتامەنتٸنٸڭ جاڭا عيماراتى دا اياقتالۋعا جاقىن. 470 ورىنعا ارنالعان نىساننىڭ جالپى اۋدانى – 15 مىڭ شارشى مەتر. جوسپار بويىنشا قۇرىلىس بيىل كٶكتەمدە تولىق اياقتالۋى تيٸس.
تٷركٸستانداعى مۇز سارايىنىڭ قۇرىلىسى دا ٶمٸرزاق شٶكەەۆتٸڭ جٸتٸ باقىلاۋىندا. سپورتتىق نىساننىڭ قۇرىلىسى بيىل اياقتالۋى تيٸس. قىسقى سپورت تٷرلەرٸنە ارنالعان سارايدىڭ قۇرىلىسى بىلتىر تامىز ايىندا باستالعان.
جالپى جەر اۋماعى 2 گەكتارعا جۋىق, عيماراتتىڭ جالپى اۋدانى 5 مىڭ شارشى مەتردەن اسادى. بۇل عيماراتتا قىسقى سپورت تٷرلەرٸ دامىتىلىپ, ٷيٸرمەلەر اشىلادى. تٷركٸستان تاريحىندا تۇڭعىش رەت قىسقى سپورتپەن كەسٸبي تٷردە اينالىسۋعا مٷمكٸندٸك جاسالادى.
