Memleket tarapynan Túrkistan oblysyna airyqsha kóńil bólinip jatyr. Muny oblys ákimi de taǵy eske salyp, senimdi aqtaý kerektigin aitty.
– 2019 jyly Túrkistan oblysynyń biýdjeti 470 mlrd. teńgedei edi. Biyl biýdjet 1 trln. 88 mlrd. teńgege jetip otyr. Bul qarajat óńirdi damytýǵa jumsalady. Ásirese aýyz sýmen qamtý, turǵyn úi qurylysy, áleýmettik nysandar, infraqurylymǵa jáne bilim uialarynyń qurylysyna basymdyq beriledi. «Nur Otan» partiiasynyń jol kartasy aiasynda respýblika boiynsha myń mektep salynsa, sonyń eki júzi Túrkistan oblysyna tiesili – dedi Ómirzaq Estaiuly.
Túrkistan oblystyq máslihat hatshysy Qairat Balabiev tóraǵalyq etken sessiianyń kún tártibine alty másele qaraldy. Atap aitqanda, «2021-2023 jyldarǵa arnalǵan oblystyq biýdjet týraly» sheshimine ózgerister engizý, «Memlekettik-jekeshelik áriptestik jobalary boiynsha memlekettik mindettemelerdi qabyldaý týraly» sheshimine tolyqtyrý engizý jáne «Túrkistan oblysy boiynsha áleýmettik mańyzy bar qatynastardyń tizbesin aiqyndaý týraly» sheshimine tolyqtyrý engizý máselesi talqylandy. Sonymen birge Qoja Ahmet Iasaýi atyndaǵy HQTÝ-dyń rektory Janar Temirbekovanyń oqý ordasynda atqarylǵan jumystary týraly esebi tyńdaldy.
Sessiia sońynda Qazaqstan máslihattary depýtattarynyń birlestigi respýblikalyq qoǵamdyq birlestiktiń «Qazaqstan máslihattarynyń «Qurmetti depýtaty» tósbelgisi tapsyryldy. Óńirimizden bul marapatqa Túrkistan oblystyq máslihatynyń II, III, IV, V, VI shaqyrylymdarynyń depýtattary Dýlatbek Ábish, Nuraly Ábishov, Sádý Bekenov, Badritdin Nishanqulov ie boldy.
