Egis alqaptaryn ártaraptandyrý sheńberinde malazyqtyq daqyldardyń kólemi 5,5 myń gektarǵa artyp, 227,5 myń gektarǵa ornalastyryldy. Sondai-aq dándi-daqyldar – 298,2 myń gektarǵa, dándik júgeri – 44,5 myń gektarǵa, bidai – 201,2 myń gektarǵa egildi.
Túrkistan oblysy ákimi apparatynyń otyrysynda óńir basshysy Ómirzaq Shókeev malazyǵy daqyldarynyń 2 jyldyq qoryn jasaqtaý mańyzdy ekenin jetkizip, aýdan ákimderi men tiisti basqarma basshysyna tapsyrmalar berdi.
– Byltyrǵydai kúrdeli jaǵdai qaitalanbaýy tiis. Qazir naǵyz jumystyń qyzǵan shaǵy. Mal azyǵyn ázirleýge, jinaýǵa basa nazar aýdaryńyzdar. Biyl 2 jylǵa jetetin qor jasaqtaý qajet. Aýa raiynyń jańbyrly ári shóptiń mol bolýy qolaily bolyp tur. Jem-shóptiń baǵasy da byltyrǵydan arzandady. Osy máseleni tolyq qadaǵalap, monitoring júrgizip otyryńyzdar, – dedi Ómirzaq Shókeev.
Túrkistan oblystyq aýyl sharýashylyǵy basqarmasynyń basshysy Nurbek Badyraqovtyń aitýynsha, biylǵy egis naýqanyna 12,2 myńnan astam aýyl sharýashylyǵy tehnikasy tartyldy.
«Agrarlyq nesie korporatsiiasy» AQ-y tarapynan dala jumystaryna 1672 agroqurylymǵa 5,3 mlrd teńge nesie berilgen. Kóktemgi egis jáne dala jumystaryn júrgizý úshin oblysta tómendetilgen baǵamen 47,9 myń tonna dizel otyny bólinip, bosatyldy.
Oblysta 475 túrli mineraldy tyńaitqyshtyń qunynyń 50%-yn sýbsidiialaýǵa 6 mlrd. teńge qarjy bólindi. Nátijesinde 319 myń gektar egistik alqap tyńaitylady.
Biyl oblysta IQM – 0,1%-ǵa (1129,6 myń bas), ýaq mal – 3,7%-ǵa (4776,9 myń bas), jylqy – 3,4% -ǵa (389,9 myń bas), túie – 2,1% -ǵa (35,0 myń bas), qus –3,5% - ǵa (2297,1 myń bas) artqan. Mal basynyń artýyna bailanyty mal qystatý naýqanyna qajetti mal azyǵy 4,1 mln tonnany qurady.
Búgingi kúnge 0,5 mln tonna mal azyǵy daiyndaldy. Egilgen egis kóleminen 645 myń tonna mal azyǵy jinalady. Oblysta egistik alqap basynan tabiǵi shópter pressi 350-400, jońyshqa 500-700 teńge aralyǵynda satylýda. «Azyq-túlik kelisim shart korporatsiiasy» AQ-y arqyly oblysqa bólingen 34,4 myń tonna bidaidan alynatyn 9,3 myń tonna kebek agroqurylymdarǵa arzandatylǵan baǵamen satylýda (65 tg/kg). Búgingi kúnge 334 agroqurylymǵa 540 tonna kebek bosatyldy.
