Jańa formatta ótken aýdan ákiminiń esebinde ádettegidei uzaq baiandama tyńdalǵan joq. Naqty máseleler saraptaldy. Aýdannyń áleýmettik-ekonomikalyq damýynyń 2021 jylǵy qorytyndysy saralanyp, sheshý joldary talqylandy. Jaýapty tulǵalarǵa tapsyrmalar berildi.
Byltyr Shardara aýdanynda 12 mlrd teńgeden astam ónerkásip ónimi óndirilse, negizgi kapitalǵa 30 mlrd teńgege jýyq investitsiia tartylyp, 1,5 paiyzǵa artqan.
«Indýstrialdy-innovatsiialyq damý baǵdarlamasy» sheńberinde aýdanda 70 adamdy jumyspen qamtityn 2 joba iske asyrylǵan. Atap aitsaq, «Vita» JShS-niń balyq ósirý kesheni ulǵaitylyp, jylyna 435 tonna balyq ósirý, óńdeý, eksporttaýǵa múmkindik alǵan. «Yrys» AÓK-niń kúrish óńdeý jáne jem shyǵarý tsehynyń qurylysy aiaqtalyp, 20 adam jumyspen qamtamasyz etilgen. Biyl 112 adamdy jumyspen qamtityn 4 jobany iske qosý josparlanǵan. Nátijesinde qaýynqaq daiyndaý tsehy, sút óńdeý tsehy jáne balyq sharýashylyǵyna qatysty 2 joba iske qosylady.
– Jalpy atqarylǵan jumys, jaqsy kórsetkishter bar. Degenmen turǵyndardy jumyspen qamtý, jumys oryndaryn ashý baǵytyndaǵy jumysty kúsheitý qajet. Ekinshiden, sharýalarǵa beriletin aǵyn sý baǵasyn retteý de ózekti másele. Batyl áreket etip, naqty sheshimder qabyldaý kerek. Shardara qalasyn káriz júiesimen qamtý isin jedeltetýdi, gaz, aýyz sý, jalpy infraqurylymyn jaqsartýdy tapsyramyn, – degen Ómirzaq Shókeev áleýeti zor ekenin aitty.
Oblys ákimi Ómirzaq Shókeev aýdandaǵy jumystardy oń baǵalady. Aldaǵy mejelerdi sóz etti. Shardarany sapaly aýyz sýmen qamtý máselesin túbegeili sheshýdi tapsyrdy. Ol úshin qaladan 34 shaqyrym qashyqtyqtaǵy qumnyń ishinde ornalasqan sý qory jetkilikti «Tastanbek» jer asty sýyn jetkizý qolǵa alynbaq.
Osyǵan bailanysty byltyr Shardara aýdanyna jumys saparynda oblys ákimi atalǵan jobanyń josparyn ázirleý jóninde naqty tapsyrma bergen bolatyn. Jobalyq-smetalyq qujatty ázirleý úshin jergilikti biýdjetten 30 mln teńge qarjy qaraldy. Sý sapasy san márte synaqtan ótken. Jańa jobany jyl sońyna deiin bastap, keler jyly tolyq júzege asyrý kózdelgen. Osy arqyly jer asty sýlaryn jetkizý arqyly jyldar boiy sozylǵan másele birjola sheshiledi.
Aýdanyń áleýmettik-ekonomikalyq damýyn baǵdarlaǵan óńir basshysy óndiristi arttyrý, jumys oryndaryn ashý, aýyl sharýashylyǵyna qoldaýdy kúsheitý, egistikti ártaraptandyrý jáne ózge de máseleler boiynsha tapsyrma berdi. Sonymen birge Shardaradaǵy elektr stantsiiasynyń qýatyn arzan baǵada molynan paidalanyp jatqan mainingtik kompaniianyń jumysyn qadaǵalap, zańǵa qaishy bolsa, jabýdy tapsyrdy.
