Alaida, eger shyrsha jansa, qandai áreketter jasaý kerektigin bile bermeidi. Órttiń paida bolýy úshin bir-aq ushqyn tutansa jetkilikti.
Shyrshany qalai qaýipsiz ornatý jóninde ShQO TJD Memlekettik órt baqylaý basqarmasy bastyǵynyń orynbasary Rústem Sembaev aityp berdi.
Onyń aitýynsha, jańa jyldyq aǵashtan bolatyn qaýipterdiń biri-onyń qulaý múmkindigi. Sondyqtan mereke úshin kishkentai shyrshany tańdaý usynylady. Aǵash neǵurlym joǵary bolsa, ony bekitý soǵurlym qiyn bolady. Shyrshany jylytý qurylǵylarynan, radiatorlardyń, shamdardan jyraq ornatý qajet. Ony tek arnaiy jasalǵan elektrlik girliandalarmen bezendirý kerek. Balalar elektr girliandalaryn óz betinshe qospaýy tiis. Úiden ketip bara jatqanda, shyrshany elektr toǵynan ajyratý kerek.
TJD mamandary arnaiy eksperiment júrgizdi. Onyń barysynda órttiń qanshalyqty tez taralatynyn kórsetý úshin jasandy shyrshany órtedi.
- Shyrsha 20 sekýndtyń ishinde tolyq janyp ketedi eken. Biz oǵan arnaiy júrgizgen eksperiment kezinde kóz jetkizdik,-dep atap ótti ShQO TJD baspasóz hatshysy Marina Liskova.
Eger shyrsha áli de jansa, siz jalma-jan áreket etýińiz kerek. Odan keiin, múlde órtti sóndirý múmkindigi aitarlyqtai artady.
- Siz dereý shyrshany ajyratyp, ony edenge qulatýyńyz kerek. Órtti sóndirý úshin eshqandai jaǵdaida sýdy paidalanbańyz. Shyrshany qolda bar quraldarmen – gúl qumyrasynan jasalǵan topyraqpen, sintetikalyq jamylǵy nemese kórpemen, eger bar bolsa órt sóndirgishpen sóndirýge bolady. Otteginiń qol jetimdiligin boldyrmaý qajet. Eger órtti óz betinshe jeńýge tyrysý nátije bermese, órt sóndirý qyzmetin shaqyryp, úi – jaidan shyǵyńyz, qajet bolǵan jaǵdaida óz páterlerinen ýaqtyly ketip qalýy úshin kórshilerińizdi órt týraly habardar etińiz, - dep habarlady Rústem Sembaev.
