Baiden prezident qyzmetine kiriskeli beri alǵashqy kezdesýin Milýokidegi (Viskonsin shtaty) sailaýshylarmen ótkizdi. Júzdesýde syrtqy saiasat máseleleri de sóz boldy.
"Qytaiǵa shara qoldanylady, ol buny biledi", - dedi Baiden, Qytai lideri Si Tszinpindi sóz etip.
Si Tszinpin Shyńjańdaǵy uiǵyr, qazaq jáne islam dinin ustanatyn basqa da ult ókilderin "qaita tárbieleý lagerlerine" májbúrlep jibergeni úshin álemdik qaýymdastyqtyń synyna ushyrady.
Pekin jabyq mekemelerdi "kásibi daiyndyq ortalyqtary" dep atap, onda adamdarǵa radikal ideialardan arylýǵa kómektesedi deýden tanbai otyr.
"Qytai álem lideri bolýǵa talpynyp-aq jatyr. Mundai mártebege jetý úshin ol basqa da elderdiń seniminen shyǵýy tiis. Adamnyń basty quqyqtaryn buzatyn áreketterinen bas tartpasa, mundai maqsatqa jetý qiyn bolady", - deidi Baiden.
11 aqpanda Baiden qytai basshysy Si Tszinpinmen eki saǵat telefonmen sóilesip, sol kezde Pekinniń adam quqyqtaryn saqtamai otyrǵanyna alańdaitynyn aitty. Baiden qytai biliginiń Gonkongtegi demokratiiashyl belsendilerdi basyp-janshyǵanyn da sóz etti.
Qytaidyń memlekettik aqparat quraldary taratqan málimetke qaraǵanda, Si Tszinpin AQSh-qa Qytaidyń egemendigi men aýmaqtyq tutytastyǵy, sonyń ishinde Gonkong jáne Shyńjań máselelerin qozǵaǵanda abai bolýyn eskertken.
