Endi árbir úmitker emtıhan tapsyrar aldynda óz bilimin mamandandyrylǵan halyqqa qyzmet kórsetý ortalyǵynda aqyly túrde teksere alady. AvtoHQO-nyń praktıkalyq avtodromy aptanyń alty kúninde de jumys isteıdi.
«Azamattarǵa arnalǵan úkimet» memlekettik korporasıasy Shymkent qalasy boıynsha fılıalynyń dırektory Danabek Isabekovtiń aıtýynsha, úmitker birinshi ret júrgizýshi kúáligin alý úshin eki emtıhan tapsyrý qajet. Birinshisi – teorıalyq emtıhan, ol 40 suraqtan turady, al praktıkalyq emtıhandy avtodromda tapsyrady. Júrgizýshi kýáligin alýdy qalaıtyndar úshin 3 retke deıin emtıhan tapsyrýǵa múmkindik beriledi. Eger úsheýinen de sátsiz ótse, kelesi emtıhandy tek alty aıdan keıin tapsyrýǵa bolady.
Esterińizge salaıyq, búginde júrgizýshi kýáligin alǵash alatyndardan avtomektepte oqyǵany týraly kýálik talap etilmeıdi.
Búgingi tańda Shymkent qalasy boıynsha 3 mamandandyrylǵan HQO jumys isteıdi. Aqyly negizde kórsetiletin qyzmetti Dostyq shaǵyn aýdanynda ornalasqan mamandandyrylǵan HQO-da tapsyrýǵa bolady.
Jyldyń basynan beri 3 myńǵa jýyq shymkenttik avtomattandyrylǵan avtodromda avtokólik júrgizý qyzmetterin paıdalanǵan. Sonymen qatar jyl basynan beri 31 myńnan astam júrgizýshi kýáligi berilip, 218 myńǵa jýyq avtokólik tirkeldi.
«Azamattarǵa arnalǵan úkimet» MK KEAQ Shymkent qalasy boıynsha fılıalynyń baspasóz qyzmeti.
