شىمكەنتتەگٸ مامانداندىرىلعان حقو-دا جٷرگٸزۋشٸلەر الدىن الا تەستٸلەۋدەن ٶتە الادى
ەندٸ ەربٸر ٷمٸتكەر ەمتيحان تاپسىرار الدىندا ٶز بٸلٸمٸن مامانداندىرىلعان حالىققا قىزمەت كٶرسەتۋ ورتالىعىندا اقىلى تٷردە تەكسەرە الادى. اۆتوحقو-نىڭ پراكتيكالىق اۆتودرومى اپتانىڭ التى كٷنٸندە دە جۇمىس ٸستەيدٸ.
«ازاماتتارعا ارنالعان ٷكٸمەت» مەملەكەتتٸك كورپوراتسيياسى شىمكەنت قالاسى بويىنشا فيليالىنىڭ ديرەكتورى دانابەك يسابەكوۆتٸڭ ايتۋىنشا, ٷمٸتكەر بٸرٸنشٸ رەت جٷرگٸزۋشٸ كٷەلٸگٸن الۋ ٷشٸن ەكٸ ەمتيحان تاپسىرۋ قاجەت. بٸرٸنشٸسٸ – تەورييالىق ەمتيحان, ول 40 سۇراقتان تۇرادى, ال پراكتيكالىق ەمتيحاندى اۆتودرومدا تاپسىرادى. جٷرگٸزۋشٸ كۋەلٸگٸن الۋدى قالايتىندار ٷشٸن 3 رەتكە دەيٸن ەمتيحان تاپسىرۋعا مٷمكٸندٸك بەرٸلەدٸ. ەگەر ٷشەۋٸنەن دە سەتسٸز ٶتسە, كەلەسٸ ەمتيحاندى تەك التى ايدان كەيٸن تاپسىرۋعا بولادى.
ەستەرٸڭٸزگە سالايىق, بٷگٸندە جٷرگٸزۋشٸ كۋەلٸگٸن العاش الاتىنداردان اۆتومەكتەپتە وقىعانى تۋرالى كۋەلٸك تالاپ ەتٸلمەيدٸ.
بٷگٸنگٸ تاڭدا شىمكەنت قالاسى بويىنشا 3 مامانداندىرىلعان حقو جۇمىس ٸستەيدٸ. اقىلى نەگٸزدە كٶرسەتٸلەتٸن قىزمەتتٸ دوستىق شاعىن اۋدانىندا ورنالاسقان مامانداندىرىلعان حقو-دا تاپسىرۋعا بولادى.
جىلدىڭ باسىنان بەرٸ 3 مىڭعا جۋىق شىمكەنتتٸك اۆتوماتتاندىرىلعان اۆتودرومدا اۆتوكٶلٸك جٷرگٸزۋ قىزمەتتەرٸن پايدالانعان. سونىمەن قاتار جىل باسىنان بەرٸ 31 مىڭنان استام جٷرگٸزۋشٸ كۋەلٸگٸ بەرٸلٸپ, 218 مىڭعا جۋىق اۆتوكٶلٸك تٸركەلدٸ.
«ازاماتتارعا ارنالعان ٷكٸمەت» مك كەاق شىمكەنت قالاسى بويىنشا فيليالىنىڭ باسپاسٶز قىزمەتٸ.
