Shymkentte qalalyq balalar klınıkalyq aýrýhanasynyń dárigerleri oıyn barysynda 16 magnıtti jutyp qoıǵan úsh jasar balaǵa shuǵyl operasıa jasady, dep habarlaıdy Dalanews.kz.

Bala aýrýhanaǵa ishiniń qatty aýyrsynýyna baılanysty jetkizilgen.

Tekserý barysynda asqazanynan bógde zattar anyqtalǵan. Dárigerler shuǵyl endoskopıalyq operasıa júrgizip, barlyq magnıtti sátti alyp shyqty.

Qazirgi tańda balanyń jaǵdaıy turaqty. Dárigerler ómirine tóngen qaýipti der kezinde joıǵanyn habarlady.

Eske salaıyq, buǵan deıin Shymkentte er adam bástesemin dep 26 qalam jutyp qoıǵan bolatyn.

Biraz ýaqyt ótken soń er adam óz-ózin jaısyz sezinip, asqazan-ishek joldary qatty aýyryp, №1 qalalyq klınıkalyq aýrýhanaǵa jetkizilgen.