شىمكەنتتە قالالىق بالالار كلينيكالىق اۋرۋحاناسىنىڭ دارىگەرلەرى ويىن بارىسىندا 16 ماگنيتتى جۇتىپ قويعان ءۇش جاسار بالاعا شۇعىل وپەراسيا جاسادى، دەپ حابارلايدى Dalanews.kz.
بالا اۋرۋحاناعا ءىشىنىڭ قاتتى اۋىرسىنۋىنا بايلانىستى جەتكىزىلگەن.
تەكسەرۋ بارىسىندا اسقازانىنان بوگدە زاتتار انىقتالعان. دارىگەرلەر شۇعىل ەندوسكوپيالىق وپەراسيا جۇرگىزىپ، بارلىق ماگنيتتى ءساتتى الىپ شىقتى.
قازىرگى تاڭدا بالانىڭ جاعدايى تۇراقتى. دارىگەرلەر ومىرىنە تونگەن ءقاۋىپتى دەر كەزىندە جويعانىن حابارلادى.
ەسكە سالايىق، بۇعان دەيىن شىمكەنتتە ەر ادام باستەسەمىن دەپ 26 قالام جۇتىپ قويعان بولاتىن.
ءبىراز ۋاقىت وتكەن سوڭ ەر ادام ءوز-وزىن جايسىز سەزىنىپ، اسقازان-ىشەك جولدارى قاتتى اۋىرىپ، №1 قالالىق كلينيكالىق اۋرۋحاناعا جەتكىزىلگەن.
