QR UQK-nyń Shymkent qalalyq departamentiniń burynǵy birinshi orynbasary Manat Sarbasovtyń isi sotta qaralyp jatyr. Oǵan birqatar bap boiynsha aiyp taǵylýda, dep habarlaidy Dalanews.kz inform.kz-ǵa silteme jasap.
Shymkentte UQKD bastyǵynyń burynǵy birinshi orynbasary Manat Sarbasovqa qatysty atyshýly sot protsesi júrip jatyr. Ol alaiaqtyq jasady, para aldy jáne parany berýge májbúr etti dep aiyptalady. Oǵan qatysty is eki rezonanstyq epizod boiynsha ótýde.
Birinshisinde kýáger Elmira Dúisenqyzy UQKD basshysynyń burynǵy orynbasary jekemenshik mektepten 2007 jyldan beri eki jyl qatarynan jumysqa jalǵan ornalastyrylǵan qyzmetkerlerge bailanysty ai saiyn kóz juma qarap, qamqorshylyq tanytqany úshin aqy talap etkenin aitady. Aldymen bul soma 1 mln teńgeni qurasa, keiin 5 mln teńgege deiin ósken.
Sonymen qatar, kýágerdiń aitýynsha, Sarbasov óziniń týystary men tanystaryn jumysqa ornalastyrýǵa tyrysqan. Dúisenqyzynyń aitýynsha, zańsyz tólemderdiń jalpy somasy 435 mln teńgege jetken. Alaiaqtyq jáne 278 mln teńgege qujattardy qoldan jasaý faktisi boiynsha Antikor tekserý bastaǵanda áiel Sarbasovtyń ústinen UQK-ǵa shaǵymdanǵan, sonyń negizinde qylmystyq is qozǵalady.
Ekinshi epizod 2020 jyly pandemiia kezinde meditsinalyq jabdyqtar men qorǵanys quraldaryn satyp alýmen bailanysty. Memleketke keltirilgen zalal 100 mln teńgeden astam somaǵa baǵalanady.
Bul rette UQKD bastyǵynyń burynǵy birinshi orynbasarymen birge onyń burynǵy kómekshisi de sottalýshylar oryndyǵynan tabyldy. Ol zańsyz kásipkerlik jáne kiristerdi jylystatty dep aiyptalýda.
Sondai-aq, buryn sottalǵan jáne 5,5 mln teńge kóleminde aiyppul tólegen qalalyq densaýlyq saqtaý basqarmasy basshysynyń burynǵy orynbasary jáne meditsinalyq jabdyqtardy jetkizýge jetekshilik etken qurylys basqarmasynyń ókili sotqa tartyldy.
Sot alqabilerdiń qatysýymen ótýde.
Aita ketsek, Manat Sarbasovtyń Shymkent qalasynyń eks-ákimi Maqsut Isahovqa qarsy atyshýly iste de aty atalady. Eks-sheneýnik UQKD bastyǵynyń birinshi orynbasaryna para berýge oqtaldy dep aiyptalady. Tergeýdiń málimetinshe, Maqsut Isahov Manat Sarbasovqa ózine qarsy qozǵalǵan qylmystyq isti jabý úshin 200 myń dollar usynǵan. Sot protsesi kezinde sottalýshy UQKD bastyǵynyń burynǵy birinshi orynbasary ózine kektenip júrgenin aitqan. Aqyrynda Maqsut Isahov 8 jyl 5 aiǵa bas bostandyǵynan aiyryldy.
