Almatyda taksi júrgizýshisi sheteldik týristerden zańsyz alǵan 150 dollardy qaitardy, dep habarlaidy dalanews.kz.
Politseiler sheteldik týristerden artyq aqsha alǵan taksi júrgizýshisin anyqtap, zańsyz alynǵan qarajatty ielerine qaitardy.
Politsiianyń málimetinshe, Úndistannyń eki azamaty Almaty halyqaralyq áýejaiynan qalanyń joǵarǵy bóligine deiin taksimen barǵan. Júrgizýshi jol aqysy úshin olardan 150 AQSh dollaryn alǵan.
Tekseris barysynda júrgizýshi anyqtalyp, týristerden zańsyz alynǵan aqsha tolyq kólemde qaitaryldy.
Bul derek boiynsha júrgizýshige qatysty ákimshilik materialdar rásimdeldi. Al is zańdy sheshim qabyldaý úshin mamandandyrylǵan aýdanaralyq ákimshilik quqyqbuzýshylyqtar jónindegi sotqa joldanady.
