Qazaqstanda negizgi munai ónimderi qory jetkilikti, al benzin men dizel otynynyń rezervi 30 kúndik tutyný kóleminen asady. Bul týraly Úkimet otyrysynan keiin "QazMunaiGaz" ulttyq kompaniiasynyń basqarma tóraǵasy Ashat Hasenov málimdedi, dep habarlaidy dalanews.kz.
Onyń aitýynsha, Atyraý munai óńdeý zaýytynda júrgizilip jatqan josparly jóndeý jumystary eldegi janarmai qoryna áser etpeidi.
"Qazir benzinniń de, dizel otynynyń da qory 30 kúnnen asa ýaqytqa jetedi", - dedi Ashat Hasenov.
Ol jóndeý jumystary aldyn ala josparlanǵanyn jáne ónerkásiptik qaýipsizdik talaptaryna sai júrgizilip jatqanyn aitty. Kompaniia tehnikalyq jumystar bastalǵanǵa deiin munai ónimderi qoryn daiyndap qoiǵan.
"Atyraý munai óńdeý zaýytynyń jetkilikti qory bar. Qazir ol ónimdi óńirlerge de jóneltip jatyr. Eshqandai irkilis joq. Eldegi úsh munai óńdeý zaýyty da qalypty rejimde jumys istep tur, olardyń óńdeý kólemi shamalas", - dedi ulttyq kompaniia basshysy.
