Shymkentte «Tulpar» turǵyn úi kesheni paidalanýǵa berildi
Shymkent qalasy Tulpar móltek aýdanynda jańa «Tulpar» turǵyn úi kesheni paidalanýǵa berilip, ondaǵy 3 qabatty kóp páterli eki turǵyn úidiń kilti tapsyryldy. Kóp qabatty turǵyn úidegi páterdiń kilti «Nurly jer» baǵdarlamasy boiynsha ońtústikqazaqstandyq 72 otbasyǵa berildi. Saltanatty sharaǵa qatysqan oblys ákimi J.Túimebaev jańa qonys ieleriniń qýanyshymen bólisip, árbir shańyraqqa bereke birlik tiledi.
– Elbasynyń jariialaǵan «Prezidenttiń bes áleýmettik bastamasy» atty Úndeýiniń barlyq baǵyttary boiynsha oblysta tiisti jumystar atqarylýda.Osy Úndeýdiń birinshi baǵyty «7-20-25» baǵdarlamasyn óńirde sátti júzege asyrý úshin osy jyly jeke salýshylar arqyly 104 kópqabatty turǵyn úidiń qurylysy júrgizilýde. Onyń ishinde 16 turǵyn úi jyl qorytyndysymen paidalanýǵa berilip, barlyq páterlerdi «7-20-25» baǵdarlamasy arqyly taratý kózdelýde, – dedi oblys ákimi.
Búginde jariialanǵan bes áleýmettik bastamanyń nátijesinde jeke investorlar oblysta turǵyn úi qurylysyn salýǵa qyzyǵýshylyq tanytýda. Aǵymdaǵy jyldyń sáýir aiynda quny 7,9 mlrd.teńgeni quraityn 14 kópqabatty turǵyn úi (768 páter, 53,2 myń sh.m.) qurylysyna ekinshi deńgeili bankten nesie alǵan jeke qurylys salýshyǵa Óńirlik úilestirý keńesiniń sheshimimen 7 paiyzdyq sýbsidiia berý qoldaý tapty. Atalǵan turǵyn úi qurylysy aǵymdaǵy jyly paidalanýǵa beriledi.
Búgingi paidalanýǵa berilip jatqan turǵyn úiler «Nurly jer» turǵyn úi qurylysy baǵdarlamasy sheńberinde «Samuryq Qazyna» AQ-y jáne «Aqmoinaq» JShS-i qarajattary esebinen birlesip salyndy. Jalpy atalǵan turǵyn úi kesheninde 3 qabatty 36 pəterli eki úi, 5 qabatty 48 pəterli eki turǵyn úi boi kótergen. Aldaǵy ýaqytta Shymkent qalasynda turǵyn úi qurylysyn qarqyndy júrgizý maqsatynda kóptegen jobalar iske asyrylatyn bolady.
OQO ákiminiń baspasóz qyzmeti
