Shymkentte sheneýnikti Antıkor qyzmetkerleri jınalys ústinde alyp ketken, - dep habarlaıdy Dalanews.kz.

Jınalys kezindegi vıdeo qala ákimi Ǵabıt Syzdyqbekov paraqshasynda júktedi. Vıdeoda ákim qyzmetkerlerine adal qyzmet etý keregin aıtyp, túsindirip jatady.

Bir sátte jınalys ótip jatqan jerge Antıkor qyzmetkerleri kelip, sheneýniktiń qasyna kelip, ustap áketedi.

"Búgin taǵaıyndalǵanyma bes aı boldy, kelgennen beri adal isteýdi surap jatyrmyn. Men bilemin aralaryńyzda memleketshil, adal kisiler kóp. Kóbińiz sondaısyzdar, sizderge senemin. Senimdi, eshkimdi aýystyratyn oıym bolǵan joq. Biraq ketken kisilerdi de bilesizder, olar sózge kónbegennen keıin ketti. Biraq, ókinishke qaraı, aramyzda satqyndar bar. Sózge, ýájge toqtamaı, ótken jyldan beri artymyzdan pyshaq tyqqanmen birdeı", - deıdi Syzdyqbekov.

Sybaılas jemqorlyqqa qarsy is-qımyl agentiginiń tarapynan qalalyq basqarmalardyń birinde basshy laýazymdaǵy azamattyń is-áreketteri kúdik týdyrǵany anyqtalǵan.

Ustalǵan sheneýnik tergeý júretin ýaqyt aralyǵyna qamaýǵa alynǵan.

Aıta keteıik, keshe, 5 aqpanda Antıkor Shymkentte Turǵyn úı basqarmasynyń basshysy qalanyń seısmıkalyq qaýipsizdigin qamtamasyz etýge bólingen búdjet qarajatyn jymqyrý boıynsha kúdikti ekenin málim etken bolatyn.