شىمكەنتتە شەنەۋنىكتى انتيكور قىزمەتكەرلەرى جينالىس ۇستىندە الىپ كەتكەن، - دەپ حابارلايدى Dalanews.kz.
جينالىس كەزىندەگى ۆيدەو قالا اكىمى عابيت سىزدىقبەكوۆ پاراقشاسىندا جۇكتەدى. ۆيدەودا اكىم قىزمەتكەرلەرىنە ادال قىزمەت ەتۋ كەرەگىن ايتىپ، ءتۇسىندىرىپ جاتادى.
ءبىر ساتتە جينالىس ءوتىپ جاتقان جەرگە انتيكور قىزمەتكەرلەرى كەلىپ، شەنەۋنىكتىڭ قاسىنا كەلىپ، ۇستاپ اكەتەدى.
"بۇگىن تاعايىندالعانىما بەس اي بولدى، كەلگەننەن بەرى ادال ىستەۋدى سۇراپ جاتىرمىن. مەن بىلەمىن ارالارىڭىزدا مەملەكەتشىل، ادال كىسىلەر كوپ. كوبىڭىز سوندايسىزدار، سىزدەرگە سەنەمىن. سەنىمدى، ەشكىمدى اۋىستىراتىن ويىم بولعان جوق. ءبىراق كەتكەن كىسىلەردى دە بىلەسىزدەر، ولار سوزگە كونبەگەننەن كەيىن كەتتى. ءبىراق، وكىنىشكە قاراي، ارامىزدا ساتقىندار بار. سوزگە، ۋاجگە توقتاماي، وتكەن جىلدان بەرى ارتىمىزدان پىشاق تىققانمەن بىردەي"، - دەيدى سىزدىقبەكوۆ.
سىبايلاس جەمقورلىققا قارسى ءىس-قيمىل اگەنتىگىنىڭ تاراپىنان قالالىق باسقارمالاردىڭ بىرىندە باسشى لاۋازىمداعى ازاماتتىڭ ىس-ارەكەتتەرى كۇدىك تۋدىرعانى انىقتالعان.
ۇستالعان شەنەۋنىك تەرگەۋ جۇرەتىن ۋاقىت ارالىعىنا قاماۋعا الىنعان.
ايتا كەتەيىك، كەشە، 5 اقپاندا انتيكور شىمكەنتتە تۇرعىن ءۇي باسقارماسىنىڭ باسشىسى قالانىڭ سەيسميكالىق قاۋىپسىزدىگىن قامتاماسىز ەتۋگە بولىنگەن بيۋدجەت قاراجاتىن جىمقىرۋ بويىنشا كۇدىكتى ەكەنىن ءمالىم ەتكەن بولاتىن.
