Barlyq urlanǵan aqshaǵa satyp alynǵan aktivter buǵattalady, olardy tárkileý týraly máseleni sot sheshedi. Arnaiy baspasóz máslihatynda QR Sybailas jemqorlyqqa qarsy is-qimyl agenttiginiń resmi ókili Daniiar Biǵaidarov jemqorlyq boiynsha kúdikke ilingen tulǵalardyń óz týystaryna múlikti rásimdeý jaǵdailaryna da toqtaldy, dep habarlaidy Dalanews.kz.
Agenttik tergeý kezinde kúdiktilerdiń, senim bildirgen adamdarsyyń jáne basqa adamdardyń týystaryna rásimdelgen aktivterdiń barlyǵyn tekseredi.
"Ádette, olar múliktiń jáne oǵan jumsalǵan aqshanyń qaidan paida bolǵanyn, zańdylyǵyn dáleldei almaidy, óitkeni tapqan resmi kiristeri aiaq-asty paida bolǵan aktiv qunynan edáýir tómen", – dep túsindiredi Biǵaidarov.
Máselen, Shyǵys Qazaqstan oblysynda sybailas jemqorlyq qylmysy boiynsha kúdikke ilingen tulǵa zańsyz alynǵan aqshaǵa kólik pen eki páter satyp alǵan, keiin ony jumyssyz týysyna rásimdegen. Al Shymkentte sheneýnik urlanǵan aqshaǵa jubaiyna elektromobil satyp alǵan. Jetisý oblysynda aqsha, alty avtokólik pen páterdi qosa alǵanda, 2,8 mlrd teńgeniń múlki tárkilendi.
"Barlyq osyndai urlanǵan aqshaǵa satyp alynǵan aktivter buǵattalady, olardy tárkileý týraly máseleni sot sheshedi", - deidi Biǵaidarov.
Buǵan deiin saitymyzda Jetisý oblysynda bilim salasynda urlanǵan qarjynyń bir bóligi sheteldik bank shotynan tabylǵanyn jazǵanbyz.
