بارلىق ۇرلانعان اقشاعا ساتىپ الىنعان اكتيۆتەر بۇعاتتالادى، ولاردى تاركىلەۋ تۋرالى ماسەلەنى سوت شەشەدى. ارنايى باسپا ءسوز ءماسليحاتىندا ق ر سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى دانيار بيعايداروۆ جەمقورلىق بويىنشا كۇدىككە ىلىنگەن تۇلعالاردىڭ ءوز تۋىستارىنا مۇلىكتى راسىمدەۋ جاعدايلارىنا دا توقتالدى، دەپ حابارلايدى Dalanews.kz.
اگەنتتىك تەرگەۋ كەزىندە كۇدىكتىلەردىڭ، سەنىم بىلدىرگەن ادامدارsyىڭ جانە باسقا ادامداردىڭ تۋىستارىنا راسىمدەلگەن اكتيۆتەردىڭ بارلىعىن تەكسەرەدى.
"ادەتتە، ولار مۇلىكتىڭ جانە وعان جۇمسالعان اقشانىڭ قايدان پايدا بولعانىن، زاڭدىلىعىن دالەلدەي المايدى، ويتكەنى تاپقان رەسمي كىرىستەرى اياق-استى پايدا بولعان اكتيۆ قۇنىنان ەداۋىر تومەن"، – دەپ تۇسىندىرەدى بيعايداروۆ.
ماسەلەن، شىعىس قازاقستان وبلىسىندا سىبايلاس جەمقورلىق قىلمىسى بويىنشا كۇدىككە ىلىنگەن تۇلعا زاڭسىز الىنعان اقشاعا كولىك پەن ەكى پاتەر ساتىپ العان، كەيىن ونى جۇمىسسىز تۋىسىنا راسىمدەگەن. ال شىمكەنتتە شەنەۋنىك ۇرلانعان اقشاعا جۇبايىنا ەلەكتروموبيل ساتىپ العان. جەتىسۋ وبلىسىندا اقشا، التى اۆتوكولىك پەن پاتەردى قوسا العاندا، 2،8 ملرد تەڭگەنىڭ مۇلكى تاركىلەندى.
"بارلىق وسىنداي ۇرلانعان اقشاعا ساتىپ الىنعان اكتيۆتەر بۇعاتتالادى، ولاردى تاركىلەۋ تۋرالى ماسەلەنى سوت شەشەدى"، - دەيدى بيعايداروۆ.
بۇعان دەيىن سايتىمىزدا جەتىسۋ وبلىسىندا ءبىلىم سالاسىندا ۇرلانعان قارجىنىڭ ءبىر بولىگى شەتەلدىك بانك شوتىنان تابىلعانىن جازعانبىز.
