Túrkistan oblysy Ordabasy aýdanyndaǵy tabiǵi alqapta sirek kezdesetin, joiylyp ketý qaýpi bar qyzǵaldaqtardy zańsyz tergen Shymkent turǵyny anyqtaldy. Bul týraly oblystyq politsiia departamenti málimdedi, dep habarlaidy Dalanews.kz.
Atalǵan áreket QR Qylmystyq kodeksiniń 339-baby — sirek kezdesetin jáne joiylý qaýpi tóngen ósimdikterdi zańsyz joiý faktisi boiynsha tirkelip, tergeý amaldary bastalǵan. Quqyq qorǵaý organdary oqiǵanyń barlyq mán-jaiyn tekserip, zań sheńberinde tiisti sheshim qabyldaitynyn málimdedi.
“Politsiia tabiǵatty qorǵaý zańnamasynyń buzylýyn anyqtaý úshin reidter men áleýmettik jelilerge monitoring júrgizýde. Sondai-aq alqaptarǵa eskertý taqtaishalary ornatylyp, túsindirý jumystary júrgizilip jatyr. Óz kezeginde tártip saqshylary Qyzyl kitapqa engen ósimdikterdi julǵany úshin zańǵa sáikes jaýapkershilik qarastyrylǵanyn eske salady”, – dep jaýap berdi Ulysmedia.kz-ke Túrkistan oblysy politsiia departamentiniń baspasóz qyzmeti.
Qazirgi tańda tártip saqshylary tabiǵatty qorǵaý baǵytynda reidtik sharalar ótkizip, áleýmettik jelilerde jariialanǵan materialdarǵa da monitoring júrgizýde. Sonymen qatar osyndai jaǵdailardyń aldyn alý úshin alqaptarǵa eskertý belgileri ornatylyp, turǵyndar arasynda túsindirý jumystary qolǵa alynǵan.
Aita keteiik, buǵan deiin áleýmettik jelilerde Qyzyl kitapqa engen qyzǵaldaqtardy kesip, kóligine tiep jatqan áieldiń videosy taraǵan bolatyn. Bul beinejazba Halyqstan Telegram-arnasynda jariialanyp, oqiǵa demalys kúnderi túsirilgeni aitylǵan.
