Shymkentte Qazaqstan politsiiasynyń 26 jyldyǵyna orai eskertkish ashyldy
Eskertkishtiń ashylý rásiminde alǵashqy bolyp sóz alǵan oblys basshysy Janseiit Qanseiituly jańa nysannyń mán-mańyzyna toqtalyp, ishki ister organdary qyzmetkerleriniń tól merekesimen quttyqtady.
– Qoǵamdyq tártipti qalyptastyrý, el tynyshtyǵyn qorǵaý jolyndaǵy qajyrly eńbekterin eskere otyryp, qaza tapqandardyń qurmetine orai eskertkish qoiýdy jón kórdik. Búgingi urpaqqa ulaǵat, bolashaqqa amanat etýdi maqsat etken bul nysan ótkenge taǵzym bolary sózsiz. Árine erlikpen qaza tapqan batyrlarymyzdy eshbir eskertkishpen almastyra almaimyz. Eldiń tynyshtyǵy jolynda janyn qurban etken erjúrek, batyl erler eshqashan el jadynan shyqpaidy. Qurmetti politsiia qyzmetkerleri! Árqashan anttaryńyzǵa adal bolyp, el qorǵany degen ataqqa abyroily qyzmet ete berińizder! Elimiz tynysh, halqymyz aman, táýelsizdigimiz tuǵyrly bolsyn, – dedi oblys ákimi.
Saltanatty shara aiasynda oblystyq Ishki ister departamentiniń jeke apparat quramy saltanatty sherýmen júrip ótti. Sondai-aq, sharaǵa qatysýshylar IID mýzeiin tamashalady.
Keiin «Qoǵamdyq kelisim» mekemesiniń ǵimaratynda politsiia salasynda arnalǵan foto kórme uiymdastyryldy. Úzdik politsiia qyzmetkerleri marapattalyp, shara sońy merekelik kontsertke ulasty.
Túrkistan oblysy ákiminiń baspasóz qyzmeti
