Shymkentte 3 myńǵa jýyq jańa týǵan nárestege "ana men bala" dári qobdishasy berilmegen, dep habarlaidy Dalanews.kz.
Qalalyq prokýratýra júrgizgen taldaý nátijesinde úsh myńǵa jýyq jańa týǵan nárestege perzenthanalardan shyǵarý kezinde qajetti dári qobdishasy berilmegeni anyqtaldy.
"Qadaǵalaý aktisi negizinde 2763 náresteniń analary dári qobdishasymen qamtamasyz etildi. №2 qalalyq aýrýhananyń bas dárigeri QR ÁQBtK-niń 426-babymen ("Farmatsevtikalyq qyzmettiń jáne dárilik zattar men meditsinalyq buiymdardyń ainalysy salasynyń qaǵidalaryn buzý") ákimshilik jaýaptylyqqa jáne 5 meditsina qyzmetkeri tártiptik jaýaptylyqqa tartyldy", – delingen prokýratýra habarlamasynda.
Prokýratýra bul baǵyttaǵy jumysty jalǵastyrady.
