Shymkentte ónerkásip salasynda 704 kásiporyn belsendi jumys jasaýda
Qaladaǵy óńdeý ónerkásibiniń birqatar salalarynda ósý dinamikasyn baiqaýǵa bolady. Mysaly, himiia ónerkásibi 2,4 ese, farmatsevtika ónerkásibi 31%-ǵa, jeńil ónerkásibi 34,1%-ǵa, tamaq ónerkásibi 15%-ǵa, ózge metall emes mineraldyq ónimderdi óndirý 11%-ǵa jáne metallýrgiia 2,2%-ǵa ósken.
Jalpy Shymkent qalasynyń óńdeý ónerkásibin damytý maqsatynda qala aýmaǵynan úsh indýstrialdy aimaq qurylýda. Olardyń biri 306 gektar jerdi alyp jatqan «Juldyz» indýstrialdy aimaǵy. Bul aimaqta qurylys, metallýrgiia, farmatsevtika, jihaz ónerkásibi damityn bolady. Sonymen qatar, eki agro-indýstrialdy aĭmaq iske qosylady. Onda 28 joba men biologiialyq qospalary bar qunarly qurama jem óndirisi jáne sút óndirý zaýyty boi kóteredi.
Bolashaqta Shymkent qalasy ózinde jáne kórshi oblystarda óndiriletin aýyl sharýashylyǵy ónimderin tereń óńdeý baǵytynda damý kózdelýde.
Aita keteiik, qalada ónerkásip salasynda 704 kásiporyn belsendi jumys jasaýda, onyń 26 iri jáne 47 orta kásiporyndar. Onda 32 myńnan astam adam jumys jasaidy.
