Konferentsiiany ashyp júrgizgen qala basshysy, partiianyń qalalyq filialy tóraǵasy Murat Áitenov qalada jetekshi partiianyń 35 myńǵa jýyq múshesi bar ekenin atap ótti. Partiia músheleri partiianyń negizgi kúshi bolyp tabylatyn 49 bastaýysh uiymdaryna toptasyp Elbasy tapsyrmalaryn óńirde qarqyndy júzege asyryp keletinin jetkizdi.
Jiynda «Nur Otan» partiiasy qalalyq filialy tóraǵasynyń birinshi orynbasary Janar Bektaevanyń esebi tyńdaldy. Onyń aitýynsha, esepti merzimde partiianyń «Ardagerlerdi ardaqtaiyq», «Kedergisiz keleshek», «Baqytty otbasy», «Jastar Otanǵa!», «Qutty meken», «Halyqqa kómek» jobalary boiynsha 151 524 adam qamtylyp 1342 is-shara ótkizilgen. Al partiia filialdarynyń qoǵamdyq qabyldaý bólmelerine qala turǵyndarynan 35 myńnan astam ótinish túsken bolsa, olardyń 22272 oń sheshimin tapqan.
Konferentsiia jumysyn qorytyndylaǵan qala ákimi, «Nur Otan» partiiasy Shymkent qalalyq filialynyń tóraǵasy Murat Áitenov halyqpen birlesken jumysty kúsheitý maqsatynda partiia aktivine naqty tapsyrmalar júktedi.
