Shymkentte júrgizýshi kýáligin alý úshin emtihan tapsyrýǵa kelgen turǵyn jol apatyna tústi, dep habarlaidy Dalanews.kz.
Oqiǵa keshe qaladaǵy arnaiy halyqqa qyzmet kórsetý ortalyǵyna qarasty avtodromda, «Asar-2» shaǵynaýdanynda bolǵan. Emtihan tapsyryp jatqan úmitker kólikti basqara almai, saldarynan avtokólik aýdarylyp ketken.
Arnaiy HQKO qyzmetkerleri oqiǵa ornynda dereý alǵashqy meditsinalyq kómek kórsetip, jedel járdem shaqyrǵan. Zardap shekken azamattyń jaǵdaiy qanaǵattanarlyq dep baǵalandy.
Resmi aqparatqa sáikes, oqiǵa memlekettik qyzmet kórsetý úderisine áser etpegen. Qazirgi tańda emtihandar qalypty rejimde jalǵasyp jatyr.
