Kúni keshe qalada búgingi zamannyń talabyna sai jabdyqtalǵan taǵy 3 kitaphana paidalanýǵa berildi.
Aita ketelik, bul bastama qala ákimi Murat Áitenovtiń basshylyǵymen kitaphanalardy jańǵyrtý baǵdarlamasy aiasynda iske asýda.
Qala ákiminiń birinshi orynbasary Shyńǵys Muqan atap ótkendei, munda barlyq jaǵdai jasalǵan: aǵa býyn kelip, áńgimelesip otyryp shahmat oinasa bolady; ata-analar balalaryna ertip ákelip kitap oqysyp, oinasa bolady; jastar keshkisin kelip, kofe iship otyryp túrli keshterdi ótkizse bolady.
Joba avtory Kristina Bekmýrzaeva qala basshylyǵy kreativti ideialarǵa ún qatyp, osy baǵyttaǵy jumystardy árdaiym qoldap otyratynyn tilge tiek etti.
“Sebebi munda shahmat ústelinde zeiinin ashyp, zerek ul bolyp qalyptasa alady. Ata jolyn jańǵyrtyp, ulttyq oiyn toǵyz qumalaqty meńgeredi. Asyq atyp, dop teýip, bos ýaqytyn tiimdi úilestire alady”, – deidi ol.
Biylǵy jyly barlyǵy 10 kitaphanaǵa osyndai modernizatsiia jumystaryn júrgizý josparlanǵan.
Alǵashqy jartyjyldyqta 6 kitaphana óz jumysyn bastaǵan. Aldaǵy kúz ailarynda taǵy 4 kitaphana el igiligine berilmek.
- Bul kitaphanalar jańa formatta jumys jasaidy. Tek kitaphana bolyp qalmaidy. Bul qoǵamdyq oryn, qoǵamdyq ortalyqqa ainalyp otyr. Eki formatta kitaphanalar jelisin jańǵyrtyp jatyrmyz. Biri Abai qoǵamdyq ortalyqtary. Ekinshisi balalarǵa arnalǵan kitaphanalarymyzdy otbasylyq kitaphanasy formatynda jasap jatyrmyz, – dedi óz kezeginde qala ákiminiń birinshi orynbasary Shyńǵys Muqan.
Qala basshylyǵy osy arqyly Shymkent kitaphanalaryn qoǵamdyq ortalyqtarǵa, kommýniti-tsentrlerge ainaldyrýdy kózdep otyr. Ár kitaphana barlyq toptaǵy azamattardy qyzyqtyratyn jeke baǵdarlama jasaityn bolady. Osylaisha jyl sońyna deiin jańǵyrǵan kitaphanalarǵa kelýshiler sany 4 esege ósedi dep kútilýde.
