Shymkentte 7 jasar oqýshynyń sózinen keiin muǵalim ustaldy. Oqý-aǵartý ministrligi Balalardyń quqyqtaryn qorǵaý komiteti ókili egjeiin-tegjeiin aitty, dep habarlaidy Dalanews.kz.
Vedomstvo málimetinshe, bul derek boiynsha kámeletke tolmaǵan balaǵa psihologiialyq kómek kórsetilip jatyr.
"Bala quqyqtary jónindegi óńirlik ýákil jaǵdai anyqtalǵannan keiin birden oqiǵa ornyna baryp, balanyń anasymen turaqty bailanys ornatty. Qylmystyq is qozǵalyp, tergeý júrgizilip jatyr. Balanyń qaýipsizdigi men amandyǵy – basty basymdyq. 2024 jyldan bastap elde kámeletke tolmaǵandarǵa qatysty kez kelgen zorlyq-zombylyq úshin zań talaptary qatańdatyldy. Fizikalyq jáne psihologiialyq zorlyq-zombylyq úshin qylmystyq jaýapkershilik kózdelgen", - dep jazylǵan habarlamada.
Aita keteiik, muǵalim 7 jasar oqýshyǵa jynystyq sipattaǵy is-áreket jasady degen kúdikke ilingen. Jábirlenýshiniń anasynyń aitýynsha, oqýshy úiine kelgende 36 jastaǵy muǵalim tizesine otyrǵyzyp, ersi áreket jasaǵanyn jetkizgen.
