[caption id="attachment_31090" align="alignright" width="428"]
Foto. Samat Myrzalıev.[/caption]
Bıyl júgirý jolynyń uzaqtyǵy jartylaı marafonǵa deıin uzartyldy. Uıymdastyrýshylar «Kasiet» fıtnes-klýby men «13 regıon» komandasynyń aıtýynsha, bul qadam marafonnyń bolashaqta jalpy qazaqstandyq jáne halyqaralyq sport kúntizbesine engizilýi úshin jasalyp otyr. Eń alys qashyqtyq – 21,1 shaqyrym. Degenmen, óziniń múmkindigin jańadan synap kórýshiler úshin 5 jáne 10 shaqyrym jarys joly saqtaldy.
Qonaev dańǵylynan Báıdibek bı dańǵyly boıymen Naýryz alańyna deıingi birinshi qashyqtyqty oblys ákimimen birge barlyq jastaǵy 3 myńnan astam qatysýshy ońaı júgirip ótti.
Densaýlyq – baǵa jetpeıtin asyl dúnıe ekenin aıtqan oblys ákimi barsha ońtústikqazaqstandyqtardy salaýatty ómir saltyn ustanýǵa shaqyrdy.
[caption id="attachment_31091" align="aligncenter" width="819"]
Foto. Samat Myrzalıev.[/caption]
«Búgingi dástúrli jalpy qalalyq júgirý marafonyna qatysyp, buqaralyq sporttyń damýyna úles qosyp júrgen qala turǵyndary men jastarǵa alǵys aıtamyn. Ómirimizge qaýip tóndiretin zıandy zattardan aýlaq bolyp, salaýatty ómir saltyn ustanýymyz qajet. Búgingi 5 myń adam qatysqan marafon osynyń aıǵaǵy. Osy qalyptan taımaı buqaralyq sportty damytýǵa úles qosyp, ony keń dárejede nasıhattaıtyn bolsaq 2020 jylǵa deıin buqaralyq sportpen shuǵyldanýshylardyń sanyn 30 paıyzǵa jetkizemiz, al osy jyly 26 paıyzǵa jetedi dep josparlanýda», - dedi ákim.
Munan soń, aımaq basshysy jarystyń eń jas jáne eń eresek qatysýshylary men jeńimpazdaryn marapattady.
Jarysta 9 jas ereksheligi boıynsha 32 sportshy jeńimpaz atanyp, oblys ákiminiń alǵys hatymen júldeli syılyqtarǵa ıe boldy.
Aıta keteıik, erler arasynda 21 shaqyrym qashyqtyqta 19 jastaǵy №39-shy Ǵalymjan Jumabaev máre syzyǵyn birinshi bolyp bassa, áıelder arasynda eń birinshi bolyp 225-shi nomerdegi 34 jastaǵy Aqmaral Meıirman kelip jetti.
Dástúrli shara Naýryz alańyndaǵy konsertpen aıaqtaldy.
OQO ákiminiń baspasóz qyzmeti
