[caption id="attachment_31090" align="alignright" width="428"]
فوتو. سامات مىرزالييەۆ.[/caption]
بيىل جۇگىرۋ جولىنىڭ ۇزاقتىعى جارتىلاي مارافونعا دەيىن ۇزارتىلدى. ۇيىمداستىرۋشىلار «Kasiet» فيتنەس-كلۋبى مەن «13 رەگيون» كومانداسىنىڭ ايتۋىنشا، بۇل قادام مارافوننىڭ بولاشاقتا جالپى قازاقستاندىق جانە حالىقارالىق سپورت كۇنتىزبەسىنە ەنگىزىلۋى ءۇشىن جاسالىپ وتىر. ەڭ الىس قاشىقتىق – 21،1 شاقىرىم. دەگەنمەن، ءوزىنىڭ مۇمكىندىگىن جاڭادان سىناپ كورۋشىلەر ءۇشىن 5 جانە 10 شاقىرىم جارىس جولى ساقتالدى.
قونايەۆ داڭعىلىنان بايدىبەك بي داڭعىلى بويىمەن ناۋرىز الاڭىنا دەيىنگى ءبىرىنشى قاشىقتىقتى وبلىس اكىمىمەن بىرگە بارلىق جاستاعى 3 مىڭنان استام قاتىسۋشى وڭاي جۇگىرىپ ءوتتى.
دەنساۋلىق – باعا جەتپەيتىن اسىل دۇنيە ەكەنىن ايتقان وبلىس اكىمى بارشا وڭتۇستىكقازاقستاندىقتاردى سالاۋاتتى ءومىر سالتىن ۇستانۋعا شاقىردى.
[caption id="attachment_31091" align="aligncenter" width="819"]
فوتو. سامات مىرزالييەۆ.[/caption]
«بۇگىنگى ءداستۇرلى جالپى قالالىق جۇگىرۋ مارافونىنا قاتىسىپ، بۇقارالىق سپورتتىڭ دامۋىنا ۇلەس قوسىپ جۇرگەن قالا تۇرعىندارى مەن جاستارعا العىس ايتامىن. ومىرىمىزگە ءقاۋىپ توندىرەتىن زياندى زاتتاردان اۋلاق بولىپ، سالاۋاتتى ءومىر سالتىن ۇستانۋىمىز قاجەت. بۇگىنگى 5 مىڭ ادام قاتىسقان مارافون وسىنىڭ ايعاعى. وسى قالىپتان تايماي بۇقارالىق سپورتتى دامىتۋعا ۇلەس قوسىپ، ونى كەڭ دارەجەدە ناسيحاتتايتىن بولساق 2020 جىلعا دەيىن بۇقارالىق سپورتپەن شۇعىلدانۋشىلاردىڭ سانىن 30 پايىزعا جەتكىزەمىز، ال وسى جىلى 26 پايىزعا جەتەدى دەپ جوسپارلانۋدا»، - دەدى اكىم.
مۇنان سوڭ، ايماق باسشىسى جارىستىڭ ەڭ جاس جانە ەڭ ەرەسەك قاتىسۋشىلارى مەن جەڭىمپازدارىن ماراپاتتادى.
جارىستا 9 جاس ەرەكشەلىگى بويىنشا 32 سپورتشى جەڭىمپاز اتانىپ، وبلىس اكىمىنىڭ العىس حاتىمەن جۇلدەلى سىيلىقتارعا يە بولدى.
ايتا كەتەيىك، ەرلەر اراسىندا 21 شاقىرىم قاشىقتىقتا 19 جاستاعى №39-شى عالىمجان جۇمابايەۆ مارە سىزىعىن ءبىرىنشى بولىپ باسسا، ايەلدەر اراسىندا ەڭ ءبىرىنشى بولىپ 225ء-شى نومەردەگى 34 جاستاعى اقمارال مەيىرمان كەلىپ جەتتى.
ءداستۇرلى شارا ناۋرىز الاڭىنداعى كونسەرتپەن اياقتالدى.
وقو اكىمىنىڭ باسپا ءسوز قىزمەتى
