Shymkentte jyl basynan beri 110 435 azamat tegin dárilik zattarmen qamtamasyz etilgen. Emdelýshilerdi tegin dárilik zattarmen qamtamasyz etý úshin jyl basynan beri 3,7 mlrd teńge jumsalǵan.
Bul qarjy sozylmaly aýrýmen esepte turatyn naýqastarǵa, aýrýhanada jatqan azamattardy emdeý sharalary úshin bólingen.
Tegin dárilik zattarmen qamtamasy etý úshin statsionarlyq deńgeide aǵymdaǵy jyly jalpy somasy 5,845 mlrd. teńgeni quraityn dárilik zattar jáne meditsinalyq buiymdardy jetkizýge kelisim shart jasaldy. Dárilik zattardy meditsinalyq uiymdarǵa jetkizip berý úshin 64 satyp alý sharty jasalǵan.
Sondai-aq ambýlatoriialyq deńgeidegi 38 meditsinalyq uiymǵa 7,2 mlrd. teńge sommasyna dárilik zattar jáne meditsinalyq buiymdardy satyp alýǵa ótinim usynyldy. Satyp alý ótinimi boiynsha emhana deńgeiinde naýqastar tegin dárimen qamtamasyz etilmek.
