شىمكەنتتە جىل باسىنان بەرى 110 435 ازامات تەگىن دارىلىك زاتتارمەن قامتاماسىز ەتىلگەن. ەمدەلۋشىلەردى تەگىن دارىلىك زاتتارمەن قامتاماسىز ەتۋ ءۇشىن جىل باسىنان بەرى 3،7 ملرد تەڭگە جۇمسالعان.
بۇل قارجى سوزىلمالى اۋرۋمەن ەسەپتە تۇراتىن ناۋقاستارعا، اۋرۋحانادا جاتقان ازاماتتاردى ەمدەۋ شارالارى ءۇشىن بولىنگەن.
تەگىن دارىلىك زاتتارمەن قامتاماسى ەتۋ ءۇشىن ستاسيونارلىق دەڭگەيدە اعىمداعى جىلى جالپى سوماسى 5،845 ملرد. تەڭگەنى قۇرايتىن دارىلىك زاتتار جانە مەديسينالىق بۇيىمداردى جەتكىزۋگە كەلىسىم شارت جاسالدى. دارىلىك زاتتاردى مەديسينالىق ۇيىمدارعا جەتكىزىپ بەرۋ ءۇشىن 64 ساتىپ الۋ شارتى جاسالعان.
سونداي-اق امبۋلاتوريالىق دەڭگەيدەگى 38 مەديسينالىق ۇيىمعا 7،2 ملرد. تەڭگە سومماسىنا دارىلىك زاتتار جانە مەديسينالىق بۇيىمداردى ساتىپ الۋعا ءوتىنىم ۇسىنىلدى. ساتىپ الۋ ءوتىنىمى بويىنشا ەمحانا دەڭگەيىندە ناۋقاستار تەگىن دارىمەن قامتاماسىز ەتىلمەك.
